web counter
LEXO PA REKLAMA!

SHKARKO APP

App Store
Google Play

E fundit!

x

“Kush e la derën e hapur?”/ Karamuço ngre alarmin: Mund të klonohen të dhënat tona

20 Shtator 2022, 22:04, Aktualitet CNA
“Kush e la derën e hapur?”/ Karamuço ngre alarmin: Mund
Eksperti i kriminalistikës, Ervin Karamuço

Eksperti i kriminalistikës, Ervin Karamuço, ka folur në lidhje me sulmet kibernetike.

Karamuço thekson se qeveria duhet të gjejë personat përgjegjës që lanë "derën hapur", pasi jemi në rrezikun e klonimit të të dhënave tona personale.

I ftuar në emisionin "Log", Karamuço tha se nuk ka më sulm, por janë ekspozime dhe demaskime. 

“Sot ka pasur një panair për aktivitetet inteligjente, edhe me mbështetjen e SHBA-së dhe të gjithë kanë rëndë dakord që t'i kërkojnë qeverisë shqiptare të gjejë sa më parë personat përgjegjës që lanë derën hapur. Nuk është aq e vështirë. Pastaj po t'i hyjmë anës objektive. Nëse jemi përballë një qëllimi, bashkëpunimi apo neglizhence. Kam dyshime që persona të caktuar që blihen fare lehtë. Në ambasadën e Iranit janë gjetur servera për sulmin që është kryer. Servera dhe pajisje që janë përdorur nga diplomatë në mbulim, por që kanë qenë nga garda revolucionare për këto qëllime.

Ambasada iraniane ishte vetëm 100 metra larg në vijë ajrore nga AKSHI. Kemi shembullin e konsullatës ruse në Bronx që kishte vendosur antena të mëdha dhe kapte të gjitha sinjalet telefonike etj., dhe u vu në alarm i gjithë Nju Jorku.

Nuk kam folur se ishte ende i rezervuar si informacion, por kryeministri ka folur, atëherë unë them po, ka ndodhur, kjo është ngjarje shumë e rëndë dhe e kanë merituar largimin. Pas gjetjes së këtyre pajisjeve ndërprerja e marrëdhënieve ka qenë shumë e justifikuar. Po t’i kthehemi konsullatës së Bronxit, aty ka edhe klonim të pasaportave të shtetasve amerikanë që aplikonin për vizë në Rusi. Ne jemi në rrezikun e klonimit të të dhënave tona personale te personave të tjerë të vendeve jomiqësore. Sepse çfarë i duhet një shteti për të regjistruar një individi? Shenjat e gishtave, gjerneralitetet, të dhënat. Nuk ka më sulm, ka vetëm ekspozim dhe përqeshje. Sulmi ka mbaruar. Edhe këto që dalin nuk janë sulm, janë ekspozim, janë demaskim”, tha Karamuço./ CNA.al





Lajmet e fundit nga