web counter
LEXO PA REKLAMA!

SHKARKO APP

App Store
Google Play

E fundit!

x

Sulmi nga hakerat/ Mema: Ka filluar në 2021-shin, kundërpërgjigje e sulmit të MEK

20 Shtator 2022, 21:31, Aktualitet CNA
Sulmi nga hakerat/ Mema: Ka filluar në 2021-shin, kundërpërgjigje
Eksperti, Medlir Mema

Pedagogu dhe eksperti i marrëdhënieve ndërkombëtare Medlir Mema, i ftuar në emisionin “Debat” në "A2CNN", u shpreh se një dinamikë sulmesh ka filluar që vitin e kaluar, dhe që sipas tij ka shumë aktorë të përfshirë.

“Sipas raportit, sulmet ndaj institucioneve shqiptare kanë filluar nga maji i vitit 2021, duke ndërhyrë në disa individë brenda qeverisë shqiptare, dhe në korrik pati një goditje e dytë, ku janë nxjerre të dhëna nga një adrese emaili që është komunikuar ditët e fundit. Në të njëjtën kohë ka ndodhur një goditje ndaj vendeve të tjera, si Izraeli, Jordania, Kuvajtin, Turqia, Arabia Saudite dhe Emiratet e Bashkuara. Me interes për ne në Shqipëri  në raport është sulmi në korrik të vitit 2021 nga institucione izraelite dhe MEK, muxhahedinët që sot kanë qendrën në Shqipëri. Ky sulm është kryer pra nga një shoqëri kibernetike izraelite bashkë me muxhahedinët e MEK, që ndërhynë në valët e transmetimit të televizionit iranian, ku janë transmetuar imazhe të drejtuesve të MEK dhe kanë publikuar numrat privatë të telefonit të liderit suprem iranian. Pas këtij sulmi, Irani ka ndërhyrë kundër Shqipërisë, ndër vendeve të tjera. Pra, ka një lidhje të drejtpërdrejtë të sulmit të MEK me atë të Iranit, që është një kundërpërgjigje e drejtpërdrejtë ndaj atij sulmit të MEK”, tha Mema./ CNA.al





Lajmet e fundit nga