web counter
LEXO PA REKLAMA!

SHKARKO APP

App Store
Google Play

E fundit!

x

Ndalimi i publikimit të të dhënave të nxjerra nga hakerat/ Analistët: Autocensurë mbi raportimin, si mund të “shpëtojnë” gazetarët

20 Shtator 2022, 14:43, Aktualitet CNA
Ndalimi i publikimit të të dhënave të nxjerra nga hakerat/
Foto ilustruese

Prokuroria e Tiranës ka vendosur ndalimin e publikimit në media të çdo të dhëne, e cila është botuar nga autorët e sulmit kibernetik.

Ky vendim është komentuar nga Aleksandër Çipa, Kryetar i Unionit të Gazetarëve të Shqipërisë dhe Neritan Alibali, jurist.

Në një dalje televizive ata kanë analizuar pasojat politike dhe juridike të këtij sulmi, ndërkohë që të dhënat po vazhdojnë që të publikohen në faqen ‘Homeland Justice’ apo në median sociale ‘Telegram’.

 ‘Në sensin mbrojtës ka logjikë vendimi i prokurorisë, por mënyra se si përçohet urdhri i prokurorisë për të mos lejuar publikimin e tyre, cenon gazetarin, gazetari nuk është përgjegjës për të mbrojtur sekretin, por është përgjegjës për ndikimin që ka te publiku’, tha Çipa.

Sipas tij, vendimi i prokurorit shkakton, autocensurë mbi raportimin’.

Ndërkohë që për juristin konstitucionalist, Neritan Alibali, kushtetuta përmban dy nene të saj, të cilat mbrojnë lirinë e shprehjes dhe ‘kushtetuta ndalon censurën paraprake mbi mjetet e komunikimit’.

Nga ana tjetër, ‘po vetë kushtetuta kufizon këto të drejta në kushte të caktuara, bazuar mbi këtë, neni 103 i Kodit të Procedurës Penale, të dhënave sensitive, termi siguri kombëtare, termi cështje hetimore, publikim, kanë nevojë për shpjegim, ndalon publikimin, por në rastin tonë nuk kemi të bëjmë me publikim, telegrami në rrjetet sociale, mediat sociale janë vetëm ripublikuar’. Sipas konstitucionalistit Neritan Alibali ‘Kodi i Procedurës Penale nuk ndalon ripublikimin, por vetëm publikimin, është vetëm shkelje administrative’./CNA.al

 

 

 





Lajmet e fundit nga