web counter
LEXO PA REKLAMA!

SHKARKO APP

App Store
Google Play

“Martinaj miksoi krimin me politikën”/ Hoxha: Aleanca që e eliminoi, lidhje më të fuqishme me autoritetet

8 Shtator 2022, 22:31, Kronika CNA
“Martinaj miksoi krimin me politikën”/ Hoxha: Aleanca që e
Gazetari Artan Hoxha

Gazetari Artan Hoxha, e ka cilësuar Ervis Martinajn, të shumëkërkuarin e drejtësisë që është shpallur i zhdukur, si personin që miksoi biznesin e ligjshëm me atë të paligjshëm, dhe botën e krimit me botën politike.

Në një lidhje me “Radarin Informativ”, Hoxha tha se edhe pse aleanca e krijuar nga Martinaj ishte e fuqishme, grupi që e ka eliminuar ka lidhje më të fuqishme me autoritetet.

“Vis Martinaj është rrëmbyer në momentin që ishte njeriu më i kërkuar në Shqipëri. Aleanca e krimit është një aleancë mes grupeve të fuqishme. Vis Martinaj nuk ishte një personazh i zakonshëm i botës së krimit, ai evoluoi botën e krimit, miksoi biznesin e ligjshëm me atë të paligjshëm, botën politike. Ai bëri një miksim të strukturës së krimit të organizuar në Shqipëri.

Aleanca që e ka kryer këtë atentat ka dëshmuar që kanë lidhje shumë më të fuqishme me autoritetet. Tani do të jetë shumë e vështirë të rikthehet kontrolli i rendit dhe sigurisë. Nuk kemi të bëjmë me organizata që merren me krim ordiner, por me organizata që kanë buxhet më të madh se ministria e Brendshme. Sot e kësaj dite ne ende nuk e dimë, autoritete nuk na kanë dhënë asnjë përgjigje se çfarë ka ndodhur”, theksoi gazetari./ B.A. - CNA.al





Lajmet e fundit nga