Vrasja e Ergys Dashit/ Hoxha: DEA dhe antimafia italiane po hetojnë në Shqipëri

8 Shtator 2022, 22:04, Kronika CNA

Vrasja e Ergys Dashit/ Hoxha: DEA dhe antimafia italiane po hetojnë në

I ekzekutuari në Ekuador Ergys Dashi

Gazetari Artan Hoxha ka zbuluar të tjera detaje nga vrasja e shqiptarit Ergys Dashi, në Ekuador, teksa ndodhet për një vizitë në Kolumbi.

Hoxha tha në emisionin “Radari Informativ” se në zbardhjen e kësaj vrasjeje janë përfshirë DEA dhe antimafia italiane.

Sipas tij, policia shqiptare e ka të vështirë të përballet me këto organizata kriminale që operojnë në Ekuador.

“Di që aktualisht në operacionet që po bëhen në Shqipëri janë përfshirë DEA dhe antimafia italiane, të cilët janë duke hetuar me një konflikt mes grupeve kriminale që kanë lidhje me datën 23 janar me ngjarjen e Guajakilit që u vra Ergys Dashi, këto ngjarje kanë lidhje me vendet e origjinës ku vijnë krerët e grupeve kriminale. Policia shqiptare me gjendjen në të cilën ndodhet, me situatën politike dhe me rëndimin e krimit në Shqipëri që ka edhe lidhje me Amerikën Latine, më duket për fat të keq e vështirë që ne të përballemi me shanse të mëdha për të mposhtur këto organizata. Ne duhet të ndryshojmë se si të luftojnë narkotrafikun. Flasim për organizata kriminale qe e kanë buxhetin më të madh se Ministria e Brendshme”, u shpreh gazetari.

U ekzekutua me 20 plumba në Ekuador/ Publikohen përgjimet e dosjes hetimore për Ergys Dashin
27 Prill, 19:45

Si u vra Ergys Dashi

Ekzekutimi ndodhi më 22 janar në orën 19:00, në Ekuador. Një nga autorët ka hyrë brenda lokalit me synimin për të ekzekutuar Ergys Dashin, ndërsa tjetri e priste jashtë me motor për ta larguar. Autori mbante një buqetë me lule në duar, për t’u ruajtur nga kamerat e sigurisë së barit, dhe teksa i është afruar me vrap tavolinës ku ndodhej Dashi, ka nxjerrë armën e ka qëlluar për vdekje durrsakun.

Ekzekutimi i Ergys Dashit në Ekuador/ Zbulohen lidhjet me mafien e drogës
23 Janar, 17:09

Nga ana tjetër, miku në tavolinë me Dashin ka tentuar të qëllojë autorin me karrige, por është zmbrapsur pasi autori vijonte të qëllonte me armë edhe teksa largohej me vrap jashtë lokalit. Në momentin e ekzekutimit, ka pasur edhe klientë të tjerë në lokal, të cilët kanë mbetur të tmerruar nga breshëria e armës. Sipas mediave në Ekuador, dyshohet se Dashi ishte i përfshirë në trafikun e kokainës dhe se prishja e pazareve të drogës do të jetë bërë shkak i ekzekutimit të tij nga bandat rivale./ B.A. – CNA.al