E fundit!

11:58 Aktualitet

ABI Bank ka refuzuar të paguajë gjobën 120 milionë për një portal gjobaxhi

ABI Bank ka refuzuar të paguajë gjobën 120 milionë për një...

Kur do të flasë Rrumbullaku për Ervis Martinajn?

10 Shtator 2022, 09:29, Aktualitet CNA

Para atre ditësh, kryeministri Edi Rama ka reaguar për herë të parë për “telenovelën Ervis Martinaj”, për të cilin kohët e fundit janë ngritur dyshime se mund të jetë rrëmbyer dhe ekzekutuar.

Rama i bëri kërkesë drejtorit të përgjithshëm sapoemëruar Muhamet Rrumbullaku, duke i thënë se duhet të zbulojnë të vërtetën dhe nëse Martinaj nuk është vrarë, atëherë të kapet dhe t’i dorëzohet drejtësisë.

Kur do të flasë Rrumbullaku për Ervis Martinajn?

“Si është e mundur që Policia e Shtetit akoma sot nuk e ka një përgjigje, për fatin e njërit prej profileve më të larta të krimit të organizuar në Shqipëri. Është e papranueshme që për javë të tjerë ekranet shqiptare janë bërë si BB i kronikës së zezë, jo u vra jo nuk u vra ai që ishte i shumëkërkuar nga Drejtësia, dhe çfarë nuk dëgjojnë njerëzit, lloj lloj legjendash me luanë, bamirësia, oligarkë, shto ujë e shto miell si një serial absurd për një nga figurat më të zeza të botës së krimit shqiptar dhe Policia e Shtetit nuk di ta thotë ore u vra apo nuk u vra, kush e ka penguar ta thotë Policia e Shtetit nuk di ta thotë akoma u vra apo nuk u vra.

Kush e ka penguar ta thotë të vërtetën. Nëse i kërkuari është vrarë t’i thuhet publikut që ky është vrarë. Nëse nuk është vrarë të gjendet, të kapet dhe t’i jepet drejtësisë”, tha kryeministri.

Një ditë pas emërimit, Rrumbullaku, para se të ndryshimet në Polici, u takua me drejtues, duke i urdhëruar që të braktisin zyrat e të dalin në terren, por asnjë fjalë për reagimin zyrtar të Policisë për Ervis Martinajn, ashtu siç i kërkoi Rama.

Kur do të flasë Rrumbullaku për Ervis Martinajn?

Në fakt Rama i ka lënë Rrumbullakut 100 ditë afat për të ndryshuar situatën në polici dhe për të goditur krimin brenda radhëve të saj dhe jo vetëm.

Ndërkohë, që Martinaj servires çdo ditë e çdo natë në media si krimineli më i famshëm dhe thuhen lloj lloj versionesh për të, Rrumbullaku, ose duhet të dalë të thotë çka ndodhur, ose zbulojë se kush i nxjerr versionet nga policia dhe prokuroria dhe hedh tymnaje mbi rastin, apo të pranojë që policia ka dështuar./CNA.al