web counter
LEXO PA REKLAMA!

SHKARKO APP

App Store
Google Play

Salillari apo Lul Morina dhanë ryshfet për katet pa leje?/ Përse fshihen emrat

9 Shtator 2022, 14:44, Aktualitet CNA

Salillari apo Lul Morina dhanë ryshfet për katet pa leje?/ Përse

Operacioni i konfiskimit të kateve ka nisur një ditë me parë me biznesmenin Julian (Lul) Morina për të vijuar ditën e sotme me biznesmenin, Pëllumb Salillari.

Sipas Ramës, ky operacion duhet të shërbejë si një mësim i mirë për ata që kujtojnë se mund t’ia hedhin me ryshfete e me marifete dhe për ata që “përbaltin” emrin e tij papushim.

Rama përmend ryshfete e marifete, por nuk përmend emra se cili nga biznesmenët ka dhënë para për t'i lejuar katet pa leje.

“Operacioni i konfiskimit të kateve e të metrave shtesë të ndërtuara në shkelje të ligjit e të lejes së ndërtimit, nuk është aspak kujtesë me vonesë siç thonë disa, po është thellim i një lufte që vazhdon prej vitesh me paligjshmërinë në ndërtim, e cila s’ka të krahasuar sot me përmasën e frikshme që kishte dje, kur s’kishte pallat që mos kishte shtesa e prapashtesa të bëra për qëllim fitimi.

Ky operacion do të ketë forcën e një vule përfundimtare mbi fatin e çdo metri katror të ndërtuar në shkelje të ligjit për shitje e fitime përtej kufirit të lejuar nga ligji.

Por ky operacion duhet të jetë edhe një mësim i mirë qoftë për ata që kujtojnë shumë gabimisht se mund t’ia hedhin me ryshfete e me marifete, qoftë edhe për ata që përbaltin papushim emrin tim apo punën e qeverisë dhe bashkisë, duke më asociuar poshtërsisht me fitime imagjinare nga ndërtimet në Tiranë a kudoqoftë.” shkruan Rama në rrjete sociale, duke shpërndarë postimin e ministrit të Brendshëm Bledi Çuçi nga pallati i Salillarit./CNA.al

Salillari apo Lul Morina dhanë ryshfet për katet pa leje?/ Përse





Lajmet e fundit nga