web counter
LEXO PA REKLAMA!

SHKARKO APP

App Store
Google Play

E fundit!

x

Energjia/ Jorida Tabaku: Kjo qeveri vetëm ankohet!

9 Shtator 2022, 12:27, Aktualitet CNA

Energjia/ Jorida Tabaku: Kjo qeveri vetëm ankohet!

Jorida Tabaku deputete e Partisë Demokratike gjatë një konference për mediat, ka folur lidhur me zhvillimet e fundit në vend, ku është ndalur te paketa “antikrizë” e paraqitur nga qeveria dje, por specifikisht edhe te çështja e energjisë elektrike. Ajo shprehet se faturat jo gjithmonë duhet t’i faturohen biznesit, por qeveria duhet të ketë plane afatgjata që të mos rëndojnë grupet e interesit dhe industritë.

“Fatura e energjisë elektrike do të rritet ndjeshëm, nga 10.2 do të shkojë 19 mijë lekë. Kjo është e papërballueshme në një kohë krize. Qeveria në një periudhë kur deklaron se ka të ardhura shtesë në buxhet, qeveria rrit çmimin e energjisë. Është fakt që qeveria në 8 vitet e fundit që nuk ka marrë asnjë masë efektive për diversifikimin. S’është marrë kjo masë si pasojë e korrupsionit.

Është e pafalshme që biznesi duhet të trokasë nëpër dyert e qeverisë. Në cdo krizë që kemi i kërkohet biznesit të investojë më shumë. Bie pandemia kërkohet ndihmë, bie kriza energjitike i kërkojmë Kosovës.

Mungesa e diversifikimit e energjisë elektrike, ajo që ka ndodhur me parqet voltaike, me diversifikimin burimeve hidro, duhet të kishte ndodhur në 8 vite. Nëse sot kemi 60% të prodhimit të brendshëm, është për shkak të vendimeve të vizionit para 2013-ës, ku qeveria e atëhershme lejoi kompanitë private të ushtrojnë aktivitetin e tyre. Kjo qeveri vetëm ankohet dhe dalin dhe i bëjnë qejfin vetes. Efekti mbi familjet shqiptare është i jashtëzakonshëm. Ata kanë miratuar një paketë gjysmake me 50 mijë euro,”-shprehet Tabaku./CNA.al

 





Lajmet e fundit nga