web counter
LEXO PA REKLAMA!

SHKARKO APP

App Store
Google Play

Rama “shtrin duart” drejt Dhomës së Tregtisë/ Paralajmëron Kryeministri

9 Shtator 2022, 10:55, Aktualitet CNA

Rama “shtrin duart” drejt Dhomës së Tregtisë/

Kryeministri Edi Rama gjatë një takimi me bizneset ka paralajmëruar se do të ndërhyhet në ligj për të reformuar Dhomën e Tregtisë.

“Të reformohet Dhoma e Tregtisë duke përmirësuar legjislacionin. Dhoma e Tregtisë duhet të jetë dinamike në vazhdimësi”, ka thënë Rama.

Sipas tij është e  paparanueshme që të jemi pjesë e anketave të mbledhura rrugës.

Ai ka kërkuar nga bizneset që të ofrojnë ide për të lehtësuar plagët me të cilat ballafaqohen aktualisht.

"Klima e biznesit ka problematikat e veta. Kjo as nuk diskutohet por mjafton t’i hedhësh një sy gjithë hapave që janë bërë për të përshpejtuar procese, për të lehtësuar procese, që deri dje ishin me radha me pritje, me sportele, me historira, në procese që tani janë pa kontakt fizik, është e pamundur që kjo të mos reflektohet në raportet e Dhomave të Tregtisë. Në anketat e bëra në mënyrë jo profesionale, ta themi troç që cenojnë arritjet e këtij vendi. Nuk mund të jemi pre e opinioneve të mbledhura rrugëve dhe të mbledhura në mënyrë kaotike dhe kanaleve që përçojnë në mënyrë të vazhdueshme asgjë që ka lidhje me realitetin. Nuk ka asgjë për të ngjyrosur me rozë, por që sot janë si dita me natën, shërbimet për biznesin dhe jeta e një importuesit dhe një sipërmarrësi që i ka shumë më të pakta hallet që kishte dje për shkak të këtyre ndërveprimeve është e pakuptueshme që kjo të mos pasqyrohet. Ne i kemi të gjitha përpjekjet por do vazhdojmë t’i bëjmë se kjo punë është punë e përditshme.

Por besoj se na takon t’u kërkojmë të gjitha dhomave të biznesit që të jenë të përgjegjshme në mënyrën si i paraqesin ato raporte", ka deklaruar më tej Rama./CNA.al





Lajmet e fundit nga