Zbuloi celularë dhe drogë në qeli, kërcënohet me jetë inspektori i burgut Fier

25 Mars 2022, 12:14, Aktualitet CNA

Një rast i paprecedent ka ndodhur në burgun e sigurisë së lartë në Fier. Një inspektor i këtij burgu është kërcenuar me jetë bashkë me familjen e tij, për shkaqe që lidhen drejtpërdrejtë me ushtrimin e detyrës.

Ditët e fundit në celularin e Gentjan Osajit kanë mbërritur mesazhe kërcenuese, nga numra të paidentifikuar, që paralajmëronin se familjes së inspektorit i rrezikohej jeta. Rasti është referuar për dijeni pranë drejtorisë së burgut.

E gjitha nisi pas informacioneve që inspektori Osaji kishte siguruar në lidhje me disa sende të ndaluara që qarkullonin në qelitë e të dënuarve me rrezikshmëri të lartë shoqerore. Kujtojmë se burgu i Fierit është një insitucion ku strehohen emra të njohur të botës së krimit, si grupe kriminale të dënuar për vrasje, krim të organizuar dhe trafiqe. Pas informacioneve të grupit të instruktorëve të kontrollit të brendshëm, Gentjan Osaji është kërcënuar. Në qelitë e personave të dyshuar se mbanin sende të paligjshme janë ushtruar kontrolle blic, dhe duke i gjetur të papërgatitur. Inspektorët gjetën aparate celular edhe në qelinë e ish-ministrit të brendshëm, Sajmir Tahiri, i dënuar me vendim të formës së prerë me 3 vite e 4 muaj burg. Por ky fakt nuk u bë publik dhe telefoni në qelinë e ish-ministrit të përfolur për lidhje me krimin e organizuar.

Drejtori i burgut Fier, Arjan Hasani, ishte vënë në dijeni të këtyre informacioneve, se personeli i gardianëve “blihej” nga të dënuarit dhe përkundrejt pagesave ata siguronin mjetet e jashtëligjshme. Hasani mësohet se nuk i kishte referuar këto inforamcine pranë ministrit të Drejtësisë, ndërsa mendohet se lidhjet e tij me një pjesë të zyrtarëve të lartë politikë në vend, kishin interes që këta persona të kishin mjete komunikimi.

Gentjan Osaji referonte se aparatet celulare ishin dërguar përmes pakove postare te dy shtetas që ndodhen në këtë institucion, njëri duke vuajtur dënimin dhe tjetri i paraburgosur.

Celularët ishin fshehur në brendësi të dy aparateve dekoderë dixhitalë për TV, për t’i shpëtuar kontrollit të shërbimit të IEVP./CNA.al