E fundit!

12:36 Politikë

"Të thuash ke shpirtin e bukur, vetëm ti mund ta bësh"/ Lamallari ironizon Balliun: Je delirant

Ministri i Brendshëm, Besfort Lamallari në interpelancën e...

Karamuço zbulon atentatet e dështuara/ Baba Mondi dhe Pandeli Majko, në shënjestër të Iranit

8 Shtator 2022, 21:28, Aktualitet CNA

Karamuço zbulon atentatet e dështuara/ Baba Mondi dhe Pandeli Majko,

Eksperti i sigurisë dhe kriminalistikës, Ervin Karamuço

Kreu i Kryegjyshatës Botërore të Bektashinjve, Baba Edmond Brahimaj dhe ish-kryeministri Pandeli Majko, kanë qenë në shënjestër të Iranit.

Këtë e ka bërë të ditur eksperti i sigurisë dhe kriminalistikës, Ervin Karamuço, teksa ka folur për prishjen e marrëdhënieve diplomatike të Shqipërisë me Iranin.

Eksperti tha në “Radarin Informativ” se ndaj Baba Mondit dhe Majkos Irani ka organizuar atentate, por kanë dështuar.

Sipas tij, krahas sulmit kibernetik, këto atentate janë edhe një nga arsyet që kanë dërguar në prishjen e marrëdhënieve diplomatike.

Ish-kryeministri Pandeli Majko

Ndërkohë, kujtojmë se në vitin 2018, media ndërkombëtare si “FoX News” raportuan se Pandeli Majko ishte një nga politikanët shqiptarë që Irani donte të vriste, për shkak të takimeve me përfaqësues të MEK.

Pjesë nga biseda:

Karamuço: Kishte informacione që ishte bërë nga një profilizim jo vetëm nga strukturat tona por dhe ato europiane. Ishte një hetim nga një strukturë që ka bërë dhe hetime të tjera.

Madje ne të dy edhe jemi përmendur nga dy kanale të Iranit madje mund të them edhe se jemi kërcënuar. Në fund të gushtit Shqipërisë ju soll e çertifikuar se ky sulm ishte i mbështetur nga qeveria iraniane.

Amerikanët e paralajmëruan të shtonte masat/ Kush është politikani shqiptar që donin të vrisnin iranianët
8 Shtator, 21:13

Nuk ishte sulmi kibernetik ai që solli këtë masë kaq të rëndë në aspektin diplomatik, por ka ardhur duke u shtuar, një sërë aktesh të rënda që ne kemi marrë gjithë kohës, duke folur që nga kërcënimi me raketa, na kanë sulmuar në OKB duke thënë se Shqipëria është shtet terrorist, atentate të dështuara në Rinas ndaj zyrtarëve të huaj, atentate ndaj klerikëve tanë si dhe politikanëve tanë.

Xhokaxhi: Atentate ndaj klerit, mund të na zbulosh emrin?

Karamuço: Ka qenë Baba Mondi i Kryegjyshatës Botërore të Bektashinjëve.

Xhokaxhi: Kur e dëgjon thua se çfarë kanë patur me Baba Mondin?

Kreu i Kryegjyshatës Botërore të Bektashinjve, Baba Edmond Brahimaj

Karamuço: Ata kanë rritur rrezikshmërinë, përfaqësuesit e fundit në Ambasadë kanë qenë ushtarakë dhe jo diplomatë. Edhe dekorimi i ish-shefit të Shërbimeve tona Visho Ajzati, nga SHBA është bërë pikërisht se ka parandaluar disa nga këto atentate, ku u janë bërë edhe politikanëve tanë.

Xhokaxhi: Cilit politikani?

Karamuço: Pandeli Majkos.

Xhokaxhi: Pandeli Majkos? Pse?

Karamuço: Ish-kryeministri jonë ka qenë pjesë aktive e MEK, ku ka marrë pjesë në disa takime me përfaqësues të huaj./ B.A. - CNA.al