web counter
LEXO PA REKLAMA!

SHKARKO APP

App Store
Google Play

E fundit!

x

OKB paraqet Raportin e Zhvillimit Njerëzor 2021-2022/ Ja në cilin vend renditet Shqipëria

8 Shtator 2022, 16:13, Aktualitet CNA

OKB paraqet Raportin e Zhvillimit Njerëzor 2021-2022/ Ja në cilin vend

OKB ka publikuar raportin e fundit mbi  “Zhvillimin Njerëzor Kohë të Pasigurta, Jetë të Paparashikueshme: Formësimi i së Ardhmes Sonë në një Botë që Transformohet”.

Ky raport vë në dukje se si shtresat e pasigurisë po shtohen dhe në ndërveprim me njëra-tjetrën ato po shqetësojnë jetesën në mënyrë të paprecedentë.

 “Dy vitet e fundit kanë pasur një ndikim shkatërrimtar për miliarda njerëz në botë, ndërsa krizat e shkaktuara nga pandemia e COVID-19-ës dhe lufta në Ukrainë pasuan njëra-tjetrën dhe ndërvepruan me ndryshimet rrënjësore shoqërore dhe ekonomike, ndryshimet e rrezikshme në planet dhe rritjen masive të polarizimit”, thuhet në raport.

“Për herë të parë në 32 vitet që UNDP-ja e ka matur, Indeksi i Zhvillimit Njerëzor (IZHNJ), i cili vlerëson nivelin e shëndetit, arsimit dhe standardin e jetesës së një kombi, ka pësuar rënie në nivel botëror për dy vite radhazi. Zhvillimi njerëzor ka rënë në nivelet e vitit 2016, duke kthyer mbrapsht një pjesë të madhe të progresit të bërë për arritjen e Objektivave të Zhvillimit të Qëndrueshëm.

Ky kthim është thuajse universal, duke qenë se 90 % e vendeve kanë shënuar rënie të vlerës së tyre të IZHNJ-së në vitin 2020 ose në vitin 2021 dhe më shumë se 40 % e tyre kanë shënuar rënie në të dyja vitet, duke sinjalizuar që për shumë vende kriza është ende në thellim”, paraqet më tej raporti.

Sakaq vlera e IZHNJ-së për në vitin 2021 ishte 0.796, vlerë kjo që e renditi Shqipërinë në vendin e 67 nga 191 vende e territore.

Sa i takon Indeksit të Pabarazisë Gjinore Shqipëria renditet në vendin e 39-të nga 170 vende.

Ndërsa në Indeksin Shumëdimensional të Varfërisë, Shqipëria kap një vlerë 0. 003, duke u renditur mjaft poshtë në krahasim me vendet e tjera.

ISHDV-ja bën një analizë e cila shkon përtej shifrave, por përcakton se si njerëzit e përjetojnë varfërinë. Si përfundim ky raport arrin në përfundimin se njerëzit po lihen pas dore në tri dimensione kyç si: shëndeti, arsimi dhe standardi i jetesës, duke përfshirë 10 tregues. Njerëzit të cilët përjetojnë privim në të paktën një të tretën e këtyre treguesve të ponderuar përfshihen në kategorinë e të varfërve shumëdimensionalë./CNA.al





Lajmet e fundit nga