E fundit!

17:34 Politikë

Rama pret në takim Presidentin e Lituanisë/ Zbardhen diskutimet

Kryeministri Edi Rama ka pritur ditën e sotme në një takim...

Gati "furtuna Rrumbullaku" në policinë e shtetit/ Priten lëvizje në qarqe dhe qendër

8 Shtator 2022, 12:39, Aktualitet CNA

Gati "furtuna Rrumbullaku" në policinë e shtetit/ Priten

Policia e shtetit i është besuar nga kryeministri Edi Rama, Muhamet Rrumbullakut, në prezantimin e të cilit mori pjesë një ditë më parë.

Pas këtij emërimi pritet një "furtunë" në strukturat e policisë së shtetit, e cila duket se është në ditët e saj më të zeza, pasi dyshohet se drejtues apo oficerë të lartë paguhen nga krimi.

Paralajmërimi për shkundjen e policisë, është bërë dje, gjatë ceremonisë së emërimit të Rrumbullakut nga kryeministri Edi Rama.

Rama tha se emërimet do t'i bëjë drejtori, dhe vetëm ai, duke theksuar besimin e plotë te Rrumbullaku.

“Askujt mos ia hap celularin”, ishte udhëzimi që kryeministri i dha Rrumbullakut.

“Kërkesave nëpër telefona ju nuk keni detyrë t’u përgjigjeni, nga kushdo qoftë. Ditën kur do t’ju marr në telefon, keni të drejtën të dilni këtu të flisni…. por kjo nuk ka për të ndodhur”, tha ndër të tjera Rama.

Gati "furtuna Rrumbullaku" në policinë e shtetit/ Priten

Sipas Ramës, as strukturat e policisë kriminale nuk janë në nivelin e duhur, gjithashtu edhe krimi ekonomik.

“Struktura e krimit ekonomik, struktura më absurde, më jo eficiente, por ajo që ka ndodhur është që ka kaluar nga parazitizmi në aktivitet banditest. Të merret me krimet në shkallë të larta, të merret me milionerët, aty ku biznesi ndërvepron me politikë, dhe jo të dalë për gjah biznes më biznes”, ka thënë Rama.

Edhe drejtori i sapoemëruar, dje dhe sot, Muhamet Rrumbullaku, ka paralajmëruar "furtunë" në polici.

Rrumbullaku ka folur për një fytyre të re të policisë.

Gati "furtuna Rrumbullaku" në policinë e shtetit/ Priten

"Jam i vendosur për të luftuar pa kompromis fenomenet e paligjshme. Uniforma e çdo punonjësi policie nuk është një veshje, por një simbol në luftën me krimin. Objektivat e mi do të jenë: Reformë e re ligjore, rialokim, riorganizim, analizë e thelluar në të gjitha nivelet e organizatës", u shpreh Rrumbullaku.

Tashmë pritet “furtuna Rrumbullaku”, me lëvizje të drejtorëve të qarqeve dhe të shefave të komisariateve.

Burime nga policia e shtetit thanë për CNA.al se do të ketë një plan të fortë goditës, dhe lëvizje të cilat synojnë performancën e lartë të policisë së shtetit dhe goditje të krimit./CNA.al