web counter
LEXO PA REKLAMA!

SHKARKO APP

App Store
Google Play

E fundit!

x

“Dikush shpall para kohe fitoren”/ Sherefedin Shehu reagon ashpër ndaj pazareve për “Territorialen”

9 Shtator 2022, 12:07, Aktualitet CNA

“Dikush shpall para kohe fitoren”/ Sherefedin Shehu reagon

Ish-zv.ministri i Financave, Sherefedin Shehu, ka reaguar ashpër ndaj pazareve që po bëhen për Reformën Territoriale.

Sipas tij, Qeveria dhe Opozita e blerë po e trajtojnë Reformën Territoriale si KÇK (kap çfarë të kapësh).

“Pazaret për Numrin e Bashkive nuk Janë Reformë Teritoriale.

Qeveria dhe opozita “e blerë” po e trajtojnë reformën teritoriale si KÇK (kap çfarë të kapësh)”, shkruan Shehu në rrjete sociale.

Shehu thotë se dikush paracakton numrin e bashkive, dikush shpall para kohe fitoren e rikthimit të një bashkie dhe dikush tjetër thotë se nuk do të ndryshojë numri i bashkive.

“Këto tregojnë mungesë përgjegjësie dhe mediokritet profesional.

Reforma duhet të synojë rezultate: Uljen e kostos së burokracisë dhe përmirësimin e infrastrukturës dhe shërbimeve bashkiake.

Reforma duhet bazuar në standarte dhe kritere: Numri i bashkive nuk paracaktohet por del vetvetvetiu nga zbatimi i tyre.

Reforma duhet të dërgojë shërbimet më afër qytetarëve dhe të forcojë përgjegjshmërinë dhe llogaridhënien e të zgjedhurve lokalë për kryerjen e tyre.

Reforma duhet të zbusë varfërinë dhe të ngushtojë pabarazitë ekonomike: Dibra dhe Kukësi janë qarqet më të pasura me burime natyrore si prodhimi i eneregjisë elektrike, mineralet, turizmi malor, etj. dhe kanë nivelin më të lartë të varfërisë së popullsisë.

Dhe këto nuk i kemi dëgjuar akoma. Lutem analizoni përse po falimentojnë bashkitë sot dhe referojuni studimeve dhe përvojës së partnerëve ndërkombëtarë”, mbyll Shehu reagimin e tij./CNA.al

“Dikush shpall para kohe fitoren”/ Sherefedin Shehu reagon





Lajmet e fundit nga