web counter
LEXO PA REKLAMA!

SHKARKO APP

App Store
Google Play

"Plagë e biznesit është korrupsioni"/ "Dorëzohet" Ministrja Ibrahimaj

9 Shtator 2022, 10:52, Aktualitet CNA

"Plagë e biznesit është korrupsioni"/

Gjatë ditës së sotme, Kryeministri Edi Rama dhe Ministrja e Financave, Delina Ibrahimaj, kanë zhvilluar një takim me përfaqësues të biznesit, ku u fol lidhur me klimën e biznesit në vend.

Ministrja foli lidhur me uljen e korrupsionit në vend, por cilëson se një nga plagat e biznesit është rimbursimi, duke pranuar kështu fenomenin të cilin Qeveria nuk është se e pranon, por siç duket Ibrahimaj është dorëzuar dhe ka pranuar realitetin.

“Sigurisht që mbetet ende shumë punë për t'u bërë se ka ende teknalitete që duhen sqaruar dhe rregulluar në proces. Një shqetësim i madh i biznesit ka qenë korrupsioni në institucionet shtetërore dhe adresimi i kësaj plage të konkurrencës së lirë. Në fakt qeveria shqiptare ka pësuar një revolucion dixhital në vitet e fundit, duke shmangur prezencën fizike dhe kontaktet me inspektorët. Shumica e shërbimeve tani janë online dhe eliminohet kontakti që biznesi ka me individin. Një plagë tjetër ka qenë sistemi i rimbursimit të TVSH-së. Që nga muaji mars çdo kërkesë rimbursimi bëhet në një proces automatik që s’ka nevojë për shkresa dhe kontakte me agjentët. Sot koha mesatare e rimbursimit është 40 ditë. Doganat janë një tjetër hapësirë që dikur ka qenë e gjitha në letër dhe me kontakt fizik me agjentët doganorë. Tashmë 34 nga shërbimet e doganave kryhen online. Shumë sugjerime nga ana juaj kanë ardhur sa i përket aftësimit të punonjësve”, tha Ibrahimaj.

Sakaq, 34 nga 41 shërbimet doganore bëhen online, gjë që shkurton kohë. Shërbimet online sipas Ibrahimajt kanë ulur nivelin e korrupsionit.

Konsultimi publik është një ndër pikat që ka më shumë “ankesa”, shprehet ministrja.

“Bizneset po ankohen në mënyrë kosntante për konsultimin publik. Por ndërkohë ka sisteme që janë ngritur që përshpejtojnë komunikimin tonë, përmes portalit”./ CNA.al





Lajmet e fundit nga