web counter
LEXO PA REKLAMA!

SHKARKO APP

App Store
Google Play

Shkatërroi bankomatin për ta vjedhur/ Përfundon në pranga 41-vjeçari në Kurbin

9 Shtator 2022, 13:54, Aktualitet CNA

Shkatërroi bankomatin për ta vjedhur/ Përfundon në pranga

Një 41-vjeçar ka përfunduar në pranga, pasi ka tentuar të thyejë një bankomat, për të marrë paratë. 

Ngjarja ka ndodhur në Kurbin, ku shtetasi G.D. është arrestuar dhe mbi të rëndojnë akuzat “Shkatërrimi i pronës” dhe ”Vjedhja e bankave dhe arkave të kursimit”, mbetur në tentativë. 

Njoftimi:

Kurbin – Dëmtoi bankomatin e një filiali banke, me qëllim vjedhjen e parave në të, identifikohet, lokalizohet dhe vihet në pranga 41-vjeçari.

Në vijim të punës së punës së pandërprerë, me qëllim zbardhjen dhe dokumentimin e ngjarjeve kriminale të ndodhura më parë, kapjen dhe vënien përpara përgjegjësisë penale të autorëve të tyre, specialistët për Hetimin e Krimeve të Komisariatit të Policisë Kurbin bënë të mundur identifikimin, lokalizimin dhe ndalimin e shtetasit:

-G. D. 41 vjeç, banues në Kurbin, për veprat penale “Shkatërrimi i pronës” dhe ” Vjedhja e bankave dhe arkave të kursimit”, mbetur në tentativë, pasi dyshohet se më datë 01.09.2022, 41-vjeçari ka dëmtuar me mjete të forta, bankomatin e një filiali banke të nivelit të dytë, në Laç, me qëllim vjedhjen e parave në të.
Materialet procedurale i kaluan Prokurorisë pranë Gjykatës së Rrethit Gjyqësor Kurbin, për veprime të mëtejshme./CNA.al





Lajmet e fundit nga