web counter
LEXO PA REKLAMA!

SHKARKO APP

App Store
Google Play

E fundit!

x

Arben Kraja drejt largimit/ KLP nis procedurat për emrin e ri që do udhëheqë luftën kundër korrupsionit

9 Shtator 2022, 20:09, Aktualitet CNA
Arben Kraja drejt largimit/ KLP nis procedurat për emrin e ri që do
Arben Kraja

Këshilli i Lartë i Prokurorisë ka nisur me përgatitjet për të gjetur pasuesin e Arben Krajës në krye të Prokurorisë së Posaçme.

Kraja duhet ta dorëzojë detyrën në dhjetor, ndërs më 16 shtator pritet të hapet dhe gara për kreun e ri të Prokurorisë së Posaçme.

Ka qenë vetë kryetari  i KLP Alfred Balla, ai i cili ka dhënë detaje nga procedurat që do të ndiqen.

“Drejtuesi aktual i Prokurorisë së Posaçme përfundon mandatin në datën 18 dhjetor dhe ne kemi detyrimin si Këshill që 3 muaj para përfundimit të hapim garën. I bie që javës tjetër, në mbledhjen e ardhshme të Këshillit që kemi fiksuar në datë 16 shtator, një nga pikat në rendin e ditës do të jetë edhe hapja e garës për drejtues të Prokurorisë së Posaçme”, shprehet Balla.

Ai tregoi më shumë mbi kriteret që favorizojnë më shumë kandidatët:

“Kuptohet që kandidatët që kanë më shumë eksperiencë në drejtim, sepse mundet të jesh një prokuror i mirë, por nuk je menaxher i mirë i një zyre. Kandidatët që kanë spikatur me punën e tyre. 

Ata që kanë një figurë edhe mediatike dhe marrëdhënien me median dhe publikun për aq sa i takon. Kandidatët që kanë eksperienca në hartimin e akteve nënligjore dhe rregulloreve do i kemi parasysh në përzgjedhje."

Plotësimi i SPAK me 20 prokurorë, sipas Ballës do të duhet të presë, pasi Këshilli është fokusuar në plotësimin e vakancave në prokuroritë e rretheve aty ku mungojnë 104 prokurorë:

“Burimi kryesor i futjes së prokurorëve në sistem është Shkolla e Magjistraturës dhe që kur jemi krijuar kemi emëruar 40 prokurorë. Këtë vit ne emëruam 22. Për të zbutur vakancat i kemi propozuar Kuvendit që të bëhet i mundur ndryshimi i ligjit në lidhje me prokurorët që janë në proces studimi të cilët vitin e 3 të munden ta bëjnë praktikë të pagueshme dhe të punojnë në sistem”, u shpreh Balla./CNA.al

 





Lajmet e fundit nga