web counter
LEXO PA REKLAMA!

SHKARKO APP

App Store
Google Play

E fundit!

x

Favorizuan ndërtimet pa leje?/ AMP nis hetimet për shefat e komisariatëve

9 Shtator 2022, 16:54, Aktualitet CNA
Favorizuan ndërtimet pa leje?/ AMP nis hetimet për shefat e
Foto ilustruese

Agjensia e Mbikqyrjes Policore ka nisur verifikimet në 6 komisariatet në kryeqytet, duke kërkuar informacione për ndërtimet e bëra në Unazën e Vogël dhe të Madhe.

Kjo lëvizje vjen pas akuzave të kryeministrit Rama se janë disa sheaf komisariatësh që kanë favorizuar ndërtimet pa leje.

AMP ka indicie se punonjës policie nuk kanë bërë detyrën për kontrollin e territorit që mbulojnë, sipas abc news.

Gjithçka ka nisur një muaj më parë kur Agjensia e Mbikqyrjes Policore referoi në prokurorinë e Tiranë materialet dhe fotografimet e kryera gjatë dy viteve të fundit, ku u konstatuan shtesa të kateve në tre objekte dhe ndërtime pa leje në zonat që mbulohet nga komisariati numër 1.

Por prokurori Bajram Breçani vendosi mosfillim të hetimeve me argumentin se nuk u konstatuan shkelje.

Por, AMP i kërkoi që vendimi i plotë i prokurorit Breçani t’i vihej në dispozicion dhe do ta apelojë atë. Ky prokuror para pak ditësh u shkarkua nga Vetingu për mosjustifikim të pasurisë.

Agjencia në referim, kërkoi hetim të thelluar për shefin dhe ish shefat e komisariatit numër 1 gjatë dy viteve të fundit, specialistët e zonave ku u konstatuan tre objektet pa leje, si dhe për Zyrtarë të IMT-së së Bashkisë së Tiranës./CNA.al

 





Lajmet e fundit nga