web counter
LEXO PA REKLAMA!

SHKARKO APP

App Store
Google Play

Sulmi kibernetik/ Eksperti i IT-së: Hakerat akses në rrjet që prej vitit 2021

9 Shtator 2022, 19:33, Aktualitet CNA
Sulmi kibernetik/ Eksperti i IT-së: Hakerat akses në rrjet që
Besmir Semanaj

Eksperti i IT-së, Besmir Semanaj deklaroi se raporti i Microsoft nga ana teknike për sulmin kibernetik, përgënjeshtron të gjitha deklaratat e institucioneve shtetërore.

Në emisionin “Sot” në “Euronews Albania”, Semanaj u shpreh se duke u bazuar te raporti, hakerat kanë pasur akses në rrjet që prej vitit 2021.

Semanaj tha se hakerat filluan të rrisin aksesin e tyre dhe kanë shkaktuar shumë dëme dhe prishje të sistemeve, ndryshe nga sa kanë deklaruar institucionet qeveritare.

“Raporti i Microsoft nga ana teknike përgënjeshtron të gjitha deklaratat e institucioneve shtetërore të cilat janë bërë në tre raste. Microsoft në momentin që zbulon fazat e sulmit, faza e parë është faza ku është krijuar akses në një nga pajisjet e rrjetit qeveritar, që sipas Microsoft ka qenë që në maj të vitit 2021. Kemi të bëjmë me një server sharepoint që nuk ishte përditësuar, kjo mangësi ka qenë prezent në server në vitin 2021.

Hakerat krijuan akses në server, më pas bënë rritje të akses të userave, duke qenë brenda rrjetit të AKSHI-t, ka nisur sulmi i pjesëve të tjera të network-ut. Thuhet se kemi dalje të informacioneve, sidomos për pjesën e email-eve që kanë dalë mes periudhës nëntor 2021-janar 2022. Gjithashtu është pika tjetër ku thuhet se kemi inkriptim dhe prishje të sistemeve”, theksoi eksperti./euronews 





Lajmet e fundit nga