LEXO PA REKLAMA!

SHKARKO APP

App Store
Google Play

'Pika e vlimit është masakra e Fushë-Krujës'/ Lala: Tani ka nisur lufta

25 Korrik 2022, 18:35, Kronika CNA
'Pika e vlimit është masakra e Fushë-Krujës'/
Gazetarja Klodiana Lala

Gazetarja Klodiana Lala komentoi situatën e krijuar nga ngjarjet kriminale në vend duke theksuar se masakra e Fushë-Krujës ku humbën jetën tre të rinj është “pika e vlimit” për luftën mes bandave kriminale në vend.

Në fjalën e saj në emisonin "Pika mbi i", Klodiana Lala tha se tani mund ta thotë me siguri që ka nisur lufta mes bandave, duke paralajmëruar kështu edhe viktima të tjera. Sipas saj, duhet një koordinim i fuqishëm i Policisë për të kapur vrasësit me pagesë. 

“Te masakra e trefishtë kishin përdorur armë e kalibrit të sofistikuar që përdoret nga forcat speciale, dyshohet se është një vrasje me pagesë. Pika e vlimit është masakra e Fushë-Krujës. Familja Martinaj ka përplasje me disa grupe kriminale. Aq shumë personazhe të përfshirë, sa tani mendoj që për fat të keq më duhet ta artikuloj, ka filluar lufta. 

Deri më tani personat me rekorde kanë arritur t’ia hedhin drejtësisë shqiptare, të dalin e janë të bindur në mendjen e tyre se mund ta blejnë drejtësinë dhe nëse kryejnë një krim të rëndë. Drejtësia e dobët u ka dhënë zemër për të kryer krime. 

Njerëzit e botës së krimit asnjëherë nuk ndjekin të njëjtin itinerar, më shqetëson fakti që këto ngjarje po e tronditin sigurinë në vend. Nikla është problem, të gjithë kriminelët na vijnë nga aty. Duhet një strategji ndryshe. Duhet aksion si në Lazarat,” – u shpreh Lala./CNA.al

Lajmet e fundit nga