web counter
LEXO PA REKLAMA!

SHKARKO APP

App Store
Google Play

Gjykata nxjerr nga qelia kryekomisarin Saimir Rustemi/ Shkodranët e presin me përqafime dhe brohoritje

24 Korrik 2022, 14:38, Kronika CNA

Gjykata nxjerr nga qelia kryekomisarin Saimir Rustemi/ Shkodranët e presin

Gjykata e Shkodrës ka marrë sot vendimin për të liruar 14 efektivët e policisë, të cilët akuzoheshin për abuzim me tenderin e rikonstruksionit të godinës së komisariatit në Malësinë e Madhe.

Mes të liruarve nga qelia, por me “arrest shtëpie”, ka qenë edhe kryekomisari Saimir Rustemi, i cili është pritur me brohoritje nga familjaët dhe të afërmit e tij. Lotët e gëzimit nuk kanë munguar as nga protestuesit, të cilët ishin pozicionuar para gjykatës që në orët e para të mëngjesit.

Këta të fundit e kanë pritur me përqafime dhe brohoritje daljen e Rustemit nga ambientet e gjykatës.

“Nderoni veten! Lironi shef Saimirin”, ” Shkodra do shef Saimirin Jo Kriminelet”, “Shef Saimiri, krenaria e policisë”, ishin disa nga mesazhet që ata mbanin në posterat e tyre protestuesit sot.

Qytetarët shkodranë vlerësojnë figurën e Saimir Rustemit dhe kanë dalë në mbështetje të tij. 14 persona u arrestuan në radhët e policisë së Shkodrës, efektivë dhe ish-efektivë. Shkak për këtë janë bërë akuzat për abuzim me tenderin e rikonstruksionit të godinës së komisariatit të Malësisë së Madhe./CNA.al





Lajmet e fundit nga