web counter
LEXO PA REKLAMA!

SHKARKO APP

App Store
Google Play

E fundit!

x

Bënte manovra me motor uji në det/ E pëson 25-vjeçari në Durrës

24 Korrik 2022, 17:40, Kronika CNA
Bënte manovra me motor uji në det/ E pëson 25-vjeçari
Foto e motorit të ujit

Një person e ka pësuar nga policia, pasi kreu manovra të rrezikshme me një mjet lundrues “Jet ski”, në zonën e ndaluar për mjetet lundruese, në plazh, Durrës, duke rrezikuar pushuesit.

Bëhet fjalë për shtetasin me inciale E. T., 25 vjeç, banues në Durrës, i cili nuk kishte dokumente për mjetin lundrues. Policia Kufitare bllokoi mjetin lundrues dhe ndëshkoi me masë administrative në vlerën 10.000 lekë të rinj, 25-vjeçarin.

Gjatë kësaj jave, në të gjithë zonën bregdetare, janë zhvilluar kontrolle të herëpashershme për mjetet lundruese dhe për zbatimin e detyrimeve për të mos lundruar në zonat e mbrojtura me bova.

Si rezultat i kontrolleve, nga Ksamili në Velipojë, janë verifikuar 31 mjete lundruese, kryesisht “Jet ski” dhe skafe, për dokumentacionin që duhet të kenë, si dhe për t’u bërë me dije sanksionet, drejtuesve të tyre, në rast shkeljeje të perimetrit të sigurisë së pushuesve.

Ndërkaq, Policia Kufitare njofton se do të vijojë intensivisht kontrollet në të gjithë vijën bregdetare dhe apelon për të gjthë ata shtetas që kanë në përdorim apo japin me qira për përdorim mjete argëtuese lundruese, të tregojnë kujdes maksimal për të respektuar detyrimet, me qëllim rritjen e sigurisë së jetës së pushuesve në plazhe./ B.A. - CNA.al

 





Lajmet e fundit nga