web counter
LEXO PA REKLAMA!

SHKARKO APP

App Store
Google Play

E fundit!

x

Shtatori, edhe më “i nxehtë” se gushti për SPAK-un dhe politikën

2023-08-29 12:23:00, Editorial Elvi FUNDO
Shtatori, edhe më “i nxehtë” se gushti për SPAK-un
Foto ilustruese

Muaji shtator po troket. Ditët e tij pritet të jenë mjaft “të nxehta” për politikën dhe SPAK-un.

Qytetarët do të shohin se do të ketë mjaft ritëm, lëvizje të forta, ndoshta dhe të padëgjuara, në këto 30 vite.

Nga ana politike pritet që kryeministri Rama të shkartisë qeverinë e tij, pritet një “operacion kirurgjikal”, një ndërhyrje e plotë në kabinetin qeveritar.

Mund të lëshojë edhe disa ministra të tjerë, të cilët janë në hetim për aferat korruptive nga SPAK-u.

Opozita, nga ana e saj, megjithëse e përçarë, pritet të fillojë protestat. Berisha ka paralajmëruar dhe ka ftuar qytetarët të dalin në shesh, ngelet për t’u zbuluar vetëm data.

Shtatori, edhe më “i nxehtë” se gushti për SPAK-un

Nga ana tjetër, Lulzim Basha pritet të mbledhë Kuvendin e tij me 5500 veta në një sallë me 1800 karrige. Partia e Lirisë pritet të kryejë aksionin e saj politik në krah të ish-kryeministrit Berisha.

Politika do të ketë “temperatura të larta”, “dhimbje koke” dhe këto do t’i vijnë nga SPAK-u.

Dosjet e nxehta vlojnë në SPAK.

Për të gjithë ata që menduan se shpëtoi Ilir Beqaj, tashmë duket se ish-ministri që ka firmosur aferën e “check up”-it dhe sterilizimin, ditët në liri i ka të numëruara, pasi SPAK-u ka ecur jo pak me këto dy dosje.

Nga ana tjetër, janë disa ministra të tjerë të Ramës në hetim. Njëra prej tyre është Olta Xhaçka, e cila është hetuar për disa prona të ushtrisë, ku midis tyre përfshihet edhe presidenti i Republikës, Barjam Begaj.

Shtatori, edhe më “i nxehtë” se gushti për SPAK-un

Olta Xhaçka ka gjithashtu dhe disa dosje tenderësh në SPAK nën hetim.

Dosja e inceneratorëve vijon të thellohet nga SPAK-u. Pritet të ketë emra të tjerë dhe të tjera personazhe që shumë shpejt do t’i shohim në bankën e të akuzuarit.

Shtatori, i nxehtë për Presidentin Begaj dhe biznesmenët 

Shtatori pritet të jetë i nxehtë, mjaft i nxehtë, jo vetëm për ministra e deputetë, por edhe për biznesmenë që kanë qenë bashkëpunëtorë në abuzimet apo në vjedhjet qindra miliona euro, që tashmë janë bërë publike, janë provuar dhe faktuar, siç janë koncesionet dhe PPP-të e dështuara, të cilat kanë krijuar një gropë në buxhetin e shtetit, dhjetëra e qindra miliona euro abuzime dhe vjedhje në kurriz të taksapaguesve shqiptarë.

Rasti i Presidentti Begaj mund të jetë një akt tjetër i SPAK-ut që mund të sjellë për herë të parë në Shqipëri rastin "impeachment", një shkarkim të Presidentit për shkak të dosjes hetimore që ka në duar SPAK-u në lidhje me pronat e ushtrisë dhe shumë prejt tyre janë kaluar me firmën e ish-shefit të Shtabit të Ushtrisë, zotit Bajram Begaj.

Shtatori, edhe më “i nxehtë” se gushti për SPAK-un

Shkarkimi i Presidentit do të ishte rasti unik në Shqipëri në rast se ndaj tij do të ngrihej akuza për korrupsion nga SPAK-u.

Për kë tjetër do të jetë i nxehtë Shtatori?

Disa elemente të tjera të politikës që tashmë janë lëshuar nga kryeministri Rama pritet të kenë probleme me drejtësinë, e cila ditë pas dite po jep shumë rezultate.

Për këtë pjesë drejtësie, e cila megjithëse ende nuk ka standardet e duhura dhe nuk është aty ku janë pritshmëritë e qytetarëve, e vërteta është se jo pak individë, jo pak biznesmenë, jo pak politikanë, janë nën hetim, megjithëse kemi standarde të munguara.

Standarde të munguara pasi nuk mund të luhet në drejtësi me disa porta siç është rasti i aferës së uniformave ku sekretari i përgjithshëm i Ministrisë dhe ish-ministri i asaj kohe, Sandër Lleshi, shpëtuan pa hetuar, ia hodhën, dolën pa lagur, ndërkohë që hyri në burg vetëm një drejtoreshë.

Ministri, si firmëtar dhe sekretar i përgjithshëm, nuk u prek.

Nga ana tjetër, Ilir Beqaj u tentua ta kalonte gropën e madhe korruptive që ishte krijuar me sterilizimin, por mesa duket është më e thellë gropa e “check up”-it.

Standardet ndoshta do të bëjnë që shtatori të jetë edhe më i "nxehtë" për politikanët nën hetim nga SPAK-u, për biznesmenët, bashkëpunëtorët e vjedhjeve dhe abuzimeve të bëra me PPP dhe "temeraturat e larta" pritet të zgjasin dhe të sjellin tension mjaft të fortë në politikë që mesa duket tashmë kjo e fundit nuk vepron dot e vetme, por është gjatë gjithë kohës nën presionin e SPAK-ut, nën presionin e drejtësisë dhe nën presionin e dosjeve të nxehta që po përvëlojnë politikën shqiptare./ CNA

 





13:57 Editorial

SPAK FOREVER!

SPAK-u ka goditur sot një nga grupet më të fuqishme krimin...

13:14 Editorial

Tiger reporters!

The strategy ordered and implemented from Vienna by th...

Lajmet e fundit nga