E fundit!

13:47 Live Updates

Karburantet në Shqipëri/ Një krizë besimi mes çmimeve dhe transparencës

Çmimet e karburantit sot dhe roli i sh...

Një mesazh për “humanistin” Sandër Lleshaj/ Për çfarë na duhet një “kapter” ministër

23 Shtator 2020, 09:07, Politikë CNA

Shpëtimi i Alvin Berishës nga kampi i ?ferrit? në Al Holt ë Sirisë në nëntor të vitit 2019, ishte lajmi më i bujshëm në mediat shqiptare, por edhe mediat italiane gjithashtu i dhanë një jehonë të fortë.

11-vjeçari, Alvin Berisha, i cili preku zemrat e shqiptarëve pasi kishte mbetur i vetëm në kampin famëkeq në Siri, u shpëtua falë ndërhyrjes së ekipit të emisionit Italian ?Le Iene?, pjesë e të cilit ishte edhe gazetari shqiptar Taulant Kopliku.

11 vjeçari mbërriti më pas në Romë nga Bejruti, falë korriforit humanitar të mundësuar nga Kryqi i Kuq me gjysëm hënën e kuqe por dhe nga impenjimi i shërbimit të bashkëpunimit ndërkombëtar të policisë, në bashkëpunim dhe me presidencën dhe kryeministrinë italiane.

Por, edhe pse shpëtimi i Alvin Berishës u tentua të përdoret edhe politikisht.

Ishte ministri i Brendshëm, Sandër Lleshaj i cili doli u ?kapërdis? nëpër ekrane, duke tentuar të marrë mbi vete meritat e shpëtimit të Alvin Berishës.

Në një dalje televizive në nëntor të 2019, Lleshaj tha se mbërrita e tij në Liban nuk ishte vetëm për shpëtimin e Alvinit, por edhe për të vazhduar planin për të gjetur të gjithë shqiptarët e tjerë që ndodhen në kampet e ISIS.

?Qeveria shqiptare ka muaj që ka përgatitur një plan për tërheqjen e qytetarëve shqiptarë që janë përfshirë në këtë dramë jashtëzakonisht të madhe, sidomos fëmijët. Plani pësoi ndryshime të papritura për shkak të ndryshimit të kontekstit gjeopolitik në rajon. Gjë që ka bërë që duhet riparë i gjithë plani. Ne jemi të angazhuar dhe të përgatitur dhe për ta vijuar atë që të gjithë qytetarët shqiptarë, kryesisht fëmijët që janë përjashtuar nga veprimtaria e pjesëmarrjes në veprimtari terroriste, të kthehen menjëherë në atdhe. Zona është një mjegull të plotë. Është një situatë e paqartë, nga rreziqe të shumta. Ardhja ime këtu nuk ishte thjeshtë ndjekja e operacionit të gjetjes së Alvin Berishës, por gjetja edhe e qytetarëve të tjerë shqiptarë?- tha në atë kohë Lleshaj.

Por, çfarë ndodhi?

Prej gati një viti që u shpëtua Alvin Berisha, përtej propagandës që u bë në media për të nxjerrë ?hero? Sandër Lleshajn, nuk dihet më asgjë për fatin e shumë shqiptarëve të tjerë të mbetur në Siri.

Ndërsa një ditë më parë, ministri Lleshaj tha se ndodhet në Liban dhe po përpiqet për të riatdhësuar gratë dhe fëmijët të mbetur në kampin e Sirisë.

Gjatë një interviste në emisionin ?Open?, Lleshaj ka lëshuar ?perlen? e radhës, ndërsa tha se: ?Unë nuk e kam për detyrë ligjore të riatdhesoj fëmijët shqiptarë në kampin Al Hol. Po e bëj për humanizëm.?

Në fakt, nëse një ministër i Brendshëm, nuk iu shërben qytetarëve, nuk ka asnjë kuptim të jetë ministër.

Pse duhet që shqiptarët të paguajnë një ministër që nuk e paska për detyrë t?iu shërbejë qytetarëve.

Dhe nëse vërtetë Sandër Lleshaj është kaq human sa pretendon, 50 mijë eurot, që thotë se ka kushtuar makina luksoze me të cilën shëtit rrugëve të Shqipërisë, do të kishte qënë më mirë të ishin vënë në shërbim për shpëtimin e fëmijëve të mbetur në Siri.

S?ka ministër të Brendshëm në botë që ska detyrim të ndihmojë qytetarët e tij.

Ai nuk duhet të rrijë asnjë minutë në detyrë nëse nuk është në shërbim të qytetarëve.

Për çfarë na duhet ministri i Brendshëm, nëse nuk iu shërben qytetarëve. Apo për ?kapter? që shëtit me BMW-në luksoze apo të zihet me gazetarët e të kërcënojë njerëzit?./ CNA.al

Gazetari që shpëtoi Alvin Berishën i ?përvishet? Lleshajt/ Ja kush është detyra jote

Skandali me BMW-në luksoze të Sandër Lleshajt/ Makina qarkullon me targa falso

Publikoi skandalin e makinës luksoze/ Gazetari sfidon publikisht Sandër Lleshajn

Ekskluzive-Sandër Lleshaj dhe Ardi Veliu kapen në mega-skandal/ Si u ?përvetësua? makina 100 milionëshe

Skandali me BMW-në 100 milionëshe të Sandër Lleshajt/ Mjeti qarkullon pa siguracion