web counter
LEXO PA REKLAMA!

SHKARKO APP

App Store
Google Play

“Bandat në zgjedhje mund të përdoren”/ Sandër Lleshaj: Nuk vidhen votat të dielën në darkë

30 Maj 2023, 14:16, Politikë CNA
“Bandat në zgjedhje mund të përdoren”/ Sandër
Sandër Lleshaj

Ish-ministri i Brendshëm, Sandër Lleshaj, ka komentuar mbi zgjedhjet e 14 majit dhe akuzat se votat u vodhën apo u blenë.

Në një intervistë, Lleshaj është shprehur se bandat shpesh përdoren në zgjedhje, ndërsa thekson se zgjedhjet e 14 majit ishin korrekte.

Sipas ish-ministrit nuk mund të vidhen votat të dielën në darkë.

“Unë besoj se ne patëm zgjedhje korrekte, sipas sistemit zgjedhor që kemi. Është për të qeshur kur dëgjon deklaratat euforike të drejtuesve politikë për zgjedhjet e fituara, në mëngjesin e të dielës së zgjedhjeve dhe është për të qarë të dëgjosh mallkimet e tyre për vjedhjet të hënën. Zgjedhjet nuk mund të vidhen të dielën në darkë. Por nga ana tjetër, nëse duam të jemi të ndershëm me veten, duhet të pranojmë se joshja për t’u zgjedhur te ne është e jashtëzakonshme. Është shumë e vështirë të identifikohen motive racionale, të cilat mund të justifikojnë përpjekjet e hatashme për t’u bërë kryetar bashkie në ndonjë provincë të Shqipërisë. Duket më shumë se absurd stërmundimi i shumëkujt për t’u bërë 'shërbëtor i popullit' në një post me pagë krejt modeste. Në zgjedhje nuk marrin pjesë bandat, por partitë. Ndaj ne duhet ta drejtojmë krejt vëmendjen tonë drejt sistemit zgjedhor dhe partive për çdo paudhësi që vërehet në zgjedhje. Bandat në rastin e zgjedhjeve mund të jenë përgjithësisht të përdorura”, tha Lleshaj./ CNA.al





Lajmet e fundit nga