web counter
LEXO PA REKLAMA!

SHKARKO APP

App Store
Google Play

E fundit!

x

Përplasjet në veri/ Rama: Të tërhiqet Kosova, po dëmtohet ndërkombëtarisht

29 Maj 2023, 22:17, Politikë CNA
Përplasjet në veri/ Rama: Të tërhiqet Kosova, po
Kryeministri Edi Rama

Kryeministri Edi Rama ka reaguar pas situatës në veri të Kosovës, ku ka pasur përplasje mes KFOR dhe protestuesve serbë.

Rama ngarkon me përgjegjësi të drejtëpërdrejtë serbët e Kosovës që ushtruan dhunë ndaj KFOR-it dhe gazetarëve.

Kryeministri i kërkon Kurtit që të mos futet më thellë në këtë shteg të rrezikshëm përplasjeje, ku sipas tij po dëmtohet ndërkombëtarisht Kosova.

“Lëndimi i ushtarëve të KFOR-it ngarkon me përgjegjësi të drejtëpërdrejtë dhunuesit e tyre të verbër dhe fatkeqësisht lëndon Kosovën në sytë e aleatëve e miqve të saj të pazëvendësueshëm! Sa më shumë zgjatet ky konflikt i rrezikshëm dhe i panevojshëm, aq më shumë lëndohet Kosova!

Nga ky udhëkryq ku konflikti kthehet e rikthehet çdo vit si produkt i të shkuarës, me Serbinë që ekspozon trupat në kufirin ku fuqia e saj është e barabartë me zero dhe Kosovën që ekspozon ngurrimin e saj për të finalizuar dialogun, dilet vetëm me dialog e me aleatë të fuqishëm!

Thirrja ime për t’i dëgjuar me vëmendje ata aleatë e për të mos u futur më thellë në shtegun jo vetëm të rrezikshëm, po edhe të kotë, ku Kosova por lëndohet ndërkombëtarisht bashkë me ushtarët e KFOR-it që po lëndohen fizikisht, s’është thirrje ndërkombëtare por nevojë kombëtare!”, shkruan kreu i qeverisë në rrjetet sociale./ CNA.al





Lajmet e fundit nga