LEXO PA REKLAMA!

SHKARKO APP

“Njerëzit janë të pakënaqur me ne”/ Rama: Ja pse na votuan më 14 maj

29 Maj 2023, 17:20, Politikë CNA
“Njerëzit janë të pakënaqur me ne”/ Rama: Ja pse
Kryeministri Edi Rama

Kryeministri Edi Rama mbajti një takim falenderimi në Korçë, ku “shigjetoi” sërish demokratët.

Rama tha se PS mori vota edhe nga Partia Demokratike dhe Partia e Lirisë, pasi pretendon se ata janë të zhgënjyer nga opozita.

Ai deklaroi se pavarësisht se njerëziut janë të pakënaqur nga qeveria, e shohin atë si të vetmen shpresë.

“Njerëzit janë të pakënaqur me ne, kjo është e vërteta. Kanë pritshmëri të larta ndaj nesh dhe besojnë se vetëm ne mund t’i bëjmë ato gjërat për të cilat kanë nevojë, kjo është e jashtëzakonshme si sfidë se na kanë hedhur një dorashkë, duke thënë urdhëro merreni dhe tani na çoni vetën përpara, do ishte fatale për ne nëse do biem në vetëkënaqësi dhe do mendojmë se jemi të zëvendësueshëm. Kjo votë ka lidhje se njerëzit duan të mendojnë dhe duan nga ne që të mendojmë gjithmonë  e më shumë për ata si qytetarë dhe jo ata të mendojnë si tifozë partish dhe ne ti ndajmë në të tanët, majtas, djathtas.

Dua të falënderoj ata që s’kanë dalë në votime, ua kemi kërkuar këtë gjë. Duke bërë ata që kanë bërë ata meritojnë respekt sepse janë sjellë si patriotë duke braktisur hijet e së shkuarës që u shfaqën vetëm për të na kthyer mbrapa. Në kushtet e kësaj pritshmërie të madhe, çfarë behët? Si kthehet ky borxh?

Ka një gjë që mund të përmbushet 100%, është vetëm në dorën tonë këtu. Kjo është njerzillëku me të gjithë anëtarët e një komuniteti, me çdo qytetar të këtij vendi, me çdo familje që ka nevojë për këtë shtet, njerzillëku me çdo sipërmarrje, çdo grup interesi, që është dhe duhet të jetë për mua pika e parë  e programit qeverisës të çdo kryetari bashkie të dalë nga vota e 14 majit. Në këtë pikë kemi deficite kudo, në nivelin qendror, vendor. Këtu ua kërkoj me forcë të gjithëve. Që ta kuptojnë dhe ta vënë në jetë. Të krijojnë mekanizma që të gjithë njerëzit të ndihen të dëgjuar, të respektuar. Pastaj zgjidhet apo jo një hall apo problem tjetër kjo varet nga mundësitë. Pavarësisht nëse nuk ma zgjidh hallin, të paktën ma qaj thotë populli ynë”, theksoi kreu i qeverisë./ CNA.al

Lajmet e fundit nga