LEXO PA REKLAMA!

SHKARKO APP

Do kandidojë për kryetare të PD-së?/ Si përgjigjet Rudina Hajdari

28 Maj 2023, 17:08, Politikë CNA
Do kandidojë për kryetare të PD-së?/ Si përgjigjet
Ish-deputetja e Partisë Demokratike, Rudina Hajdari

Ish-deputetja e Partisë Demokratike, Rudina Hajdari, është pyetur ditën e sotme nëse do të kandidojë si kryetare e PD-së.

Hajdari tha në një intervistë televizive se e ka pasur një ambicie të tillë, por deklaroi se tashmë është koha të lihen mënjanë ambiciet.

Ajo theksoi se në krye të së djathtës duhet një njeri që ka shumë zell e dëshirë për të rregulluar partinë.

“Unë e kam shprehur në disa raste të veçanta që ambicia ime ka qenë që Partia Demokratike të ketë një forcë qeverisëse.

Këto dy vitet e fundit kemi vuajtur nga njerëzit që kanë ambicie të forta dhe ndoshta sot na duhen njerëz që kanë më pak ambicie dhe më shumë zell e dëshirë për të rregulluar partinë dhe për të punuar për interesin e përgjithshëm të Partisë Demokratike dhe jo ambicies personale të një individi.

Te pjesa e ambicies them se pa dyshim çdo aktor që futet në politik pa dyshim që ka ambicie, këtë nuk duhet ta mohojmë se nuk do ishte e ndershme”, u shpreh Rudina Hajdari./ CNA.al

Lajmet e fundit nga