web counter
LEXO PA REKLAMA!

SHKARKO APP

App Store
Google Play

Tabaku zbulon tre arsyet/ Pse PD-ja e vulës dështoi në zgjedhjet e 14 majit

27 Maj 2023, 17:58, Politikë CNA
Tabaku zbulon tre arsyet/ Pse PD-ja e vulës dështoi në zgjedhjet
Deputetja e PD-së, Jorida Tabaku

Deputetja e PD-së, Jorida Tabaku ka treguar 3 arsyet që sipas saj penguan PD-në e Lulzim Bashës për të fituar në zgjedhje dhe sollën dështimin total të tyre duke dalë forcë e fundit dhe në Këshilla Bashkiakë.

Tabaku në një intervistë për gazetaren Nisida Tufa është shprehur se PD-ja është refuzuar për shkak të rrëmujës në të cilën ajo ndodhej si rezultat i përçarjes.

Së dyti ajo pohoi se PD-ja e vulës u përkushtua te kundërshtari dhe jo tek idetë dhe së treti shkak për dështimin ajo ka cilësuar edhe daljen e opozitës me kandidatë të ndryshëm në zgjedhje.

“300 mijë shqiptarë, ose 25 deputetë më pak është rezultati më 2021. Refuzim i një pjese të shoqërisë që edhe për shkak të rrëmujës e zhurmës së bërë për 1 viti e gjysmë dhe mungesës së alternativës nuk na dhanë besimin.
Ne u fokusuam tek kundërshtia jo tek idetë.
Kemi lënë hapësirë edhe në terren. Së treti mendoj që pjesa jonë e opozitës bëri përpjekje maksimale për të pasur kandidatë të përbashkët në terren.
Megjithatë besoj që PD mund të ndryshojë Shqipërinë, për atë që përfaqëson”, tha ajo./CNA.al





Lajmet e fundit nga