web counter
LEXO PA REKLAMA!

SHKARKO APP

App Store
Google Play

E fundit!

x

Mandati i Belerit/ Celibashi zbulon skenarin e vetëm nga i cili rrezikon kryebashkiaku i Himarës

26 Maj 2023, 13:27, Politikë CNA
Mandati i Belerit/ Celibashi zbulon skenarin e vetëm nga i cili rrezikon
Komisioneri Shtetëror i Zgjedhjeve, Ilirjan Celibashi

Komisioneri Shtetëror i Zgjedhjeve, Ilirjan Celibashi, është shprehur se i dha mandatin Fredi Belerit pasi nuk kishte asnjë ankim ndaj procesit zgjedhor në Himarë.

Në një intervistë për "Euronews", Celibashi deklaroi se skenari i vetëm që Beleri mund të rrezikojë të humbasë mandatin është nëse ai dënohet me një vendim të formës së prerë nga gjykata.

Ai shtoi se nëse për një arsye apo një tjetër, Belerit i hiqet mandati, Bashkia Himarë do të shkojë sërish në zgjedhje.

“Në dijeninë time nuk është rast i parë nëse nuk gaboj. Ka pasur një rast të ngjashëm në Tropojë me zgjedhjet ose për kandidat për deputet ose për kryebashkiak në vitin 2002. Rasti është jo i zakonshëm kur një kandidat për kryetar i një bashkie zgjidhet kur është në masën e sigurisë 'Arrest me burg'. Ajo që ka rëndësi të thuhet është se për sa kohë që nuk ka një vendim të formës së prerë ai e merr mandatin e Bashkisë së Himarës.

Afati brenda të cilit Beleri duhet të kryejë aktin e betimit është 3 muaj, nëse nuk gaboj. Gjithsesi, çdo gjë varet nga ecuria e procesit hetimor, që i takon në mënyrë ekskluzive prokurorisë dhe gjykatës kompetente.

Është pak herët për të folur për atë që do të ndodhë në situata të ndryshme. Nëse vendi i kryetarit të bashkisë për një arsye apo një tjetër ngelet bosh, atëherë në atë bashki zhvillohen zgjedhje të reja.

Ai duhet të bëjë konfirmimin e betimit në gjykatë, por si proces do të duhet përpara Këshillit Bashkiak. Situata e 'Arrestit' me burg është një rrethanë që krijon pengesa për ushtrimin e veprimtarive për funksionarë që ushtrojnë funksione publike”, tha Celibashi./ CNA.al





Lajmet e fundit nga