web counter
LEXO PA REKLAMA!

SHKARKO APP

App Store
Google Play

Alibeaj kërkon Bashën kryetar/ “Nuk është mëkat...”

25 Maj 2023, 22:04, Politikë CNA
Alibeaj kërkon Bashën kryetar/ “Nuk është
Fotomontazh - Lulzim Basha dhe Enkelejd Alibeaj

Enkelejd Alibeaj, i cili pak ditë më parë dha dorëheqjen si kryetari i komanduar i PD-së, ka folur mbrëmjen e sotme për rikthimin e Bashës.

Alibeaj shprehu mbështetje për Bashën që të kandidojë sërish si kryetar i PD-së, teksa tha në një dalje televizive se nuk është mëkat.

“Nëse do isha unë do bëja këtë gjë. Dal dhe bëjë këtë rrëfim, monolog, si një detyrim ndaj gjithë këtij 2-vjeçari, por edhe më tepër se kaq, pasi PD duhet të dinë se çfarë ka ndodhur. Një rrëfim është i nevojshëm për të treguar gjithçka. Është edhe më e ndershme për demokratët. Nuk e dimë ende nëse do kandidojë, por nuk ka asnjë mëkat edhe nëse ndodh”, u shpreh ai.

Më tej, Alibeaj u pyet se a do ta votonte Bashën nëse kandidon në garën për kreun e PD-së.

“Nëse do të isha një votues unë do të doja të kishte më shumë kandidatë. Do të doja të shihja te kandidatët idenë, platformën se ku beson apo pretendon të cojë PD. Partia e para pastaj kryetarlliku. Të bëjë betejë me të shkuarën”, u përgjigj ai./ CNA.al





Lajmet e fundit nga