web counter
LEXO PA REKLAMA!

SHKARKO APP

App Store
Google Play

Berisha, i vendosur/ “Nuk votojmë ligjet pa miratuar minimumin jetik”

25 Maj 2023, 12:16, Politikë CNA

Berisha, i vendosur/ “Nuk votojmë ligjet pa miratuar minimumin

Ish-kryeministri Sali Berisha, në një deklaratë për gazetarët, është shprehur se nuk do të votojë për ligjet për rritjen e pagave pa u miratuar minimumi jetik.

"Një farsë e turpshme me përmasa cinike të një cinizmi dhe pashpirtësie e hipokrizie të paparë u zhvillua sot në parlament.
Pasi mashtroi shqiptarët, duke paraqitur rrogën e presidentit, të admiralit dhe të Rezartit, të gjitha këto nga 2.2 në 4.6 milionë lekë rritje, solli në parlament një ligj, në të cilin ata që janë më në nevojë, largimi i të cilëve po shkatërron Shqipërinë, mjekët, mësuesit, policët, ushtarakët, përfitojnë një rritje 1 për qind ose minus 1 për qind.
Një akt i tillë është jashtë çdo imagjinate. Një cinizëm i tillë ndaj punonjësve të këtij vendi, tejkalon çdo cak.

Kam qenë dhe do jem gjithnjë për rritjen e rrogave, kjo nuk ka diskutim. Nëse ka një faktor shkatërrimtar për këtë vend, kjo është ngrirja e rrogave.
Por sot kjo farsë, ky akt ku dyfishohen rrogat e zyrtarëve më të lartë dhe rriten me 1 për qind ose zbresin -, se kjo është përllogaritja me inflacionin e INSTAT, se me përllogaritjen e EuroStat, rënia është më e madhe se kaq.

Kam insistuar që ky proces të fillojë me vendosjen e minimumit jetik prej 200 eurosh. Ky duhej të ishte akti i parë për t’i dhënë përgjigje kësaj situate të rëndë, këtij mjerimi të frikshëm të krijuar në Shqipëri.
Në vend që të fillonte me vendosjen e minimumit jetik, që do t'i jepte përgjigjen përfundimtare ndihmës ekonomike dhe pensioneve nën 200 euro dhe bënte një zbutje të mjerimit, minimumi jetik zhduk mjerimin në kuptimin e varfërisë ekstreme. Ishte një masë plotësisht e mundshme, kur dihet që qytetarëve u vidhet çdo vit dyfishi i fondit të përgjithshëm të rrogave.

Kjo u mbyll në mënyrën më të turpshme nga njerëzit që vjedhin shqiptarët nga mëngjesi deri në darkë.
Ne nuk do ta votojmë", tha Berisha./ CNA.al





Lajmet e fundit nga