E fundit!

20:46 Politikë

“Në drejtimin e duhur me kalendarin ambicioz”/ Rama: Jam optimist në mënyrën më shqiptare për mbylljen e kapitujve

Kryeministri Edi Rama gjatë fjalës së tij në konferencën n...

Dashnor Sula nuk pranon rritjen e pagave/ U "qan hallin" punonjësve të administratës

25 Maj 2023, 11:38, Politikë CNA

Dashnor Sula nuk pranon rritjen e pagave/ U "qan hallin"

Deputeti i PD-së, Dashnor Sula, ka mohuar rritjen në shifra kaq të mëdha të rrogave të deputetëve dhe ministrave.

Sula gjatë fjalës së tij në Parlament është shprehur se ka deputetë që meritojnë rritjen e pagave ndërkohë që ka të tjerë, të cilët nuk kanë bërë asgjë.

Sula duke luajtur rolin e deputetit që nuk do rritje pagash, ka ngritur zërin për pagën e mësuseve dhe infermierëve e cila sipas tij është e ulët ndërkohë, çfarë sipas tij do të bëjë që deputetët të jenë më të urryerit për njerëzit.

“Më vjen turp që jam pjesë e këtij parlamenti për gjuhën që përdoret. Dolën, folën, bënë politikë dhe atakuan të gjithë opozitën në një kohë kur nuk u kujtuan të thonë një fjalë të vetme, a po rritet rroga, jepni argumente. Unë jam këtu dhe do jap të miat. S’jam kundër rritjes së pagave të deputetëve e qeverisë, por jam kundër në shifra kaq të mëdha ndërsa administrata, mësuesit e të tjerët kanë rritje simbolike.

Pagën e mësuesit 27 mijë lekë, e infermierit 22 mijë lekë. Në parlament ka deputetë që i shtojnë vlerën institucionit, ka të tjerë që e bëjnë të turpshëm që në mëngjes ngrenë duart për të votuar ligje e në darkë përfundojnë në qeli.

Çfarë kemi bërë që të rritet rroga? E keni bërë këtë vend të jetueshëm? Keni luftuar korrupsionin? Jo. E kemi ditur të bëjmë zgjedhje të lira e të ndershme? Jo. Çfarë bëjmë ne, 10 ditë pas zgjedhjeve mbyllemi në një sallë të shohim rrogat tona. Turp më të madh nuk ka. Të rrisim rrogën me 1.6 milionë brenda ditës na bën më të urryerit për njerëzit.

Nëse qëllimi është që deputetin ta shajnë lart e poshtë, bravo ju qoftë po e arrijmë. Po të kishim bërë rritjen e pagave vit pas viti, nuk do kishin ikur shqiptarët. Rritja e pagave për administratën është e vonuar dhe duhet të bëhet 1 orë e më parë.

Shtesa e pagës që unë përfitoj si deputet do të shkojë për Shoqatën e jetimëve në Peqin”, tha ai./CNA.al