web counter
LEXO PA REKLAMA!

SHKARKO APP

App Store
Google Play

E fundit!

x

Rama e pranon hapur/ “Kemi bërë një 'lajthitje' me pagat e prokurorëve”

25 Maj 2023, 11:49, Politikë CNA

Rama e pranon hapur/ “Kemi bërë një 'lajthitje'

Kryeministri Edi Rama nuk ka harruar të përmendë në Parlament edhe vendimin për rritjen e pagave për deputetët dhe ministrat.

Gjatë fjalës së tij, Rama e ka cilësuar hipokrizi mospranimin e rritjes së pagave nga disa deputetë.

Ndër të tjera, ai ka shpjeguar se kjo rritje bëhet sipas një hierarkie të caktuar të rritjes së rrogave. Pra, sipas tij, një mësues nuk mund ta ketë pagën më të lartë se Presidenti i vendit.

Rama theksoi më tej se gabimi më i madh i qeverisë ka qenë rritja e rrogës për punonjësit e sistemit të drejtësisë.

“Një hipokrizi për të vënë duart në kokë. Nivelet e pagave nuk përcaktohen sipas qejfit, por në një logjikë të një ekspertize. Ju ka thënë që unë kur flas, flas për gjëra që i kam mësuar shumë mirë. Nuk mund të ndërtosh një piramidë pagash dhe të vendosesh pagën e një mësuesi më të lartë se të Presidentit. Kemi bërë ne një lajthitje, një lajthitje në sistemin e drejtësisë. Është lajthitje sepse nuk mund të kemi prokurorë që paguhen më shumë se Presidenti, nuk mund të kemi prokurorë që paguhen më shumë se ministri i Drejtësisë. Unë mendoj që nuk i hyhet këtij monopati që të tallemi. Shqiprarët kush i merr për budallenj mund të gënjejë disa, por vjen një ditë, siç erdhi në Shkodër, që fitojnë ata. Urdhëroni hajdeni, paga minimale. S’kam asnjë problem. Ndërkohë pozicioni im mbetet që pagat duhet të jenë në piramidën e pagave”, tha ai./CNA.al

 

 





Lajmet e fundit nga