web counter
LEXO PA REKLAMA!

SHKARKO APP

App Store
Google Play

E fundit!

x

Revoltohet deputeti i 362 votave/ “Bien përfundimisht zgjedhjet e 14 majit”

25 Maj 2023, 14:36, Politikë CNA

Revoltohet deputeti i 362 votave/ “Bien përfundimisht zgjedhjet e 14

Deputeti i 362 votave, Petrit Vasili, ka reaguar pas rinumërimit të votave ku KQZ deklaroi se 64 vota, të cilat i përkisnin Partisë Republikane i kaluan PDIU-së.

Pas këtij skandali, Petrit Vasili është shprehur se rilindasit i numërojnë votat sikurse ata duan.

Sipas Vasilit ky ishte një numërim mafioz dhe i manipuluar i votave nga ana e socialistëve.

Deputeti i PL-së tha se nuk do të ketë asnjë lëshim për shkatërruesit e votës së lirë dhe vjedhjen mafioze të votës nga Edi Rama.

"Bien përfundimisht zgjedhjet e 14 majit, ja provat shokuese të numërimit stalinist!!

Provohet me fakte shokuese numërimi stalinist i votave, pra s'ka rëndësi si votohet se rilindasit i numërojne siç duan.

Bie përfundimisht edhe procesi i numërimit të votave si mafioz dhe i manipuluar.

Nëpër kutitë e votimit, zbulohen nga vetë KQZ, nga rinumërimi se dhjetëra vota janë manipuluar pra i janë hequr një partie dhe janë dhënë partive të tjera.

Vetëm në një kuti 64 vota i ishin dhënë një partie dhe pas rinumërimit doli që kishte zero vota.

Një tjetër partie i ishin shtuar plot 72 vota që nuk i përkisnin asaj, vetëm në një qendër votimi.

Numërimi i votave provohet me fakte që është i shkatërruar, i manipuluar dhe i vjedhur dhe çdo rezultat është një rezultat jolegjitim dhe i manipuluar.

Tanimë këto zgjedhje janë përfundimisht të rëna dhe s'ka me asnjë lloj alibie që i certifikon dhe i shpëton dot ato.

Përgjegjësit që nga kreu deri te më i fundit duhet të shkojnë në burg se kanë vjedhur në mënyrë mafioze vullnetin e shqiptarëve.

Asnjë lëshim nuk ka për shkatërruesit e votës së lirë dhe vjedhjen mafioze të votës nga Edi Rama.

Këto janë "fitoret" me erë të qelbur mafioze të Edi Ramës, të cilin qytetarët as e duan dhe as e votojnë, por e urrejnë ndaj ai paguan qindra milion euro për të blerë vota, për të blerë numërues dhe për të manipuluar zgjedhjet”, tha ai./CNA.al





Lajmet e fundit nga