web counter
LEXO PA REKLAMA!

SHKARKO APP

App Store
Google Play

E fundit!

x

Richard Grenell zbadh takimin me Ramën, diskutime për Hashim Thaçin

25 Maj 2023, 15:44, Politikë CNA

Richard Grenell zbadh takimin me Ramën, diskutime për Hashim

Ish-i dërguari i Posaçëm i SHBA-së për Ballkanin Perëndimor Richard Grenell ka takuar sot kryeministrin Edi Rama.

Ish-zyrtari i lartë amerikan ka ndarë disa foto nga takimi me kryeministrin shqiptar, ndërkohë që bën me dije se temë e diskutimit ka qenë situata në të cilën ndodhet ish-presidenti i Kosovës, Hashim Thaçi. 

Grenell thekson se duhet bërë më shumë për lirimin e Hashim Thaçit nga burgu, pasi sipas tij akuzat kundër ish-kreut të UÇK-së janë të pavërteta dhe dëshmitarët thuhet se janë manipuluar nga Jack Smith.

‘Kam drekuar me kryeministrin e Shqipërisë, Edi Rama, një nga aleatët tanë më të mëdhenj në NATO dhe ne ramë dakord që duhet bërë më shumë për të çliruar sa më shpejt Hashim Thaçin nga burgu në Hagë. Akuzat kundër tij janë të rreme dhe dëshmitarët thonë se ato janë manipuluar nga Jack Smith.’- shkruan Grenell.

Ish-krerët e UÇK-së akuzohen për krime të luftës: arrestim dhe ndalim i paligjshëm, trajtim mizor, torturë dhe vrasje e paligjshme. Ndërkaq, krimet kundër njerëzimit që ata akuzohen se kanë kryer janë: përndjekje, burgosje, akte të tjera çnjerëzore, torturë, vrasje e paligjshme dhe zhdukje me forcë e personave.

Krimet dyshohet se janë kryer nga marsi i vitit 1998 deri në shtator 1999, në disa lokacione të Kosovës, por edhe në Kukës dhe Cahan të Shqipërisë.

 

 





Lajmet e fundit nga