web counter
LEXO PA REKLAMA!

SHKARKO APP

App Store
Google Play

E fundit!

x

Thaçi: Akuzat e raportit të Dick Marty-t, të sajuara, kam besim të drejtësia

4 Prill 2023, 13:24, Kosova & Bota CNA

Thaçi: Akuzat e raportit të Dick Marty-t, të sajuara, kam besim

Ish-presidenti i Kosovës, Hashim Thaçi, tha përpara trupit gjykues në Gjykatën Speciale të Hagës se akuzat e raportit të Dick Marty-t për trafikimin e organeve njerëzore janë të sajuara.

Thaçi ka vijuar fjalën e tij duke treguar se i kërkoi bashkësisë ndërkombëtare që të hetonte këtë çështje në mënyrë të pavarur.

Ish-presidenti i Kosovës, ka shprehur dëshirën e tij që procesi i gjykimit të jetë i shpejtë, transparent dhe sa më i drejtë.

“Sapo raporti i Dick Marty-t mbushi mediat me akuzat e sajuara, unë menjëherë i kërkova bashkësisë ndërkombëtare të hetonte në mënyrë të pavarur. Bashkësia ndërkombëtare më tha se një gjykatë e veçantë ishte thelbësore për të hequr renë e zezë të akuzave për trafik organesh në Kosovë. Tani e dimë se si unë, si të tjerët jemi shfajësuar nga këto akuza. Unë pres të shfajësohem nga çdo akuzë tjetër ndaj meje në përfundim të këtij procesi. Jam intervistuar nga të gjithë mekanizmat e drejtësisë ndërkombëtare qoftë në cilësinë e dëshmitarit apo të dyshuarit. Kjo ka qenë e gjitha transparente. Askush nuk duhet ta shkruajë historinë ashtu, unë kam besim në paqe dhe drejtësi. Shpresoj që ky proces do të jetë i shpejtë, i drejtë dhe transparent", theksoi ai./CNA.al

 





Lajmet e fundit nga