LEXO PA REKLAMA!

SHKARKO APP

Aksioni i Europol/ Arrestohen 22 trafikantë armësh në Europë, si vepronin bandat

4 Prill 2023, 09:30, Kosova & Bota CNA

 

Aksioni i Europol/ Arrestohen 22 trafikantë armësh në

 

Europol ka zhvilluar aksion në Europë gjatë muajve të fundit, i udhëhequr nga autoritetet e Rumanisë dhe Bullgarisë për kapjen e personave që kryenin tregti armësh.

Operacioni u shtri në 31 vende, ku u arrestuan 22 persona dhe vuri në shënjestër individë të dyshuar për blerje armësh. 

Kontrollet u kryen në 143 banesa. Ndërkohë, u sekuestruan 129 armë zjarri, 1 492 armë alarmi, 24 735 fishekë të pakonvertuar, 6 granata dore, 276 kilogramë dinamit.

Shumica e armëve, mes tyre edhe sinjalizuse, që u sekuestruan ishin modele të prodhuara në Turqi.

Si vepronin bandat? 

Këto armë ishin importuar në BE dhe ishin ofruar ligjërisht për shitje në Bullgari dhe shtete të tjera anëtare. Pasi shiteshin, ato shpesh trafikoheshin përtej kufijve dhe shndërroheshin në armë vdekjeprurëse në vende të tjera brenda ose jashtë BE-së. 

Ky proces konvertimi përfshin modifikimin e armëve për t'i bërë ato të afta të gjuajnë me municion të vërtetë, gjë që është e paligjshme. Pas konvertimit, armët shpërndaheshin nëpërmjet kanaleve të paligjshme, duke kontribuar në përhapjen e armëve të zjarrit të paligjshme.

Në këtë aksion të koordinuar morën pjesë vendet e mëposhtme: Austria, Belgjika, Bullgaria, Kroacia, Qiproja, Republika Çeke, Danimarka, Estonia, Finlanda, Franca, Gjermania, Greqia, Hungaria, Letonia, Luksemburgu, Holanda, Polonia, Portugalia, Rumania, Sllovenia , Spanja, Suedia, Shqipëria, Kosova, Mali i Zi, Maqedonia e Veriut, Norvegjia, Serbia, Zvicra, Ukraina, Mbretëria e Bashkuar.

 

Lajmet e fundit nga