LEXO PA REKLAMA!

SHKARKO APP

Gjyqi ndaj ish-krerëve të UÇK-së/ Përfundon seanca e parë në Hagë, të akuzuarit deklarohen të pafajshëm

3 Prill 2023, 16:59, Kosova & Bota CNA

Gjyqi ndaj ish-krerëve të UÇK-së/ Përfundon seanca e

Ka përfunduar dita e parë e gjykimit të ish-krerëve të Ushtrisë Çlirimtare të Kosovës në Gjykatën Speciale të Hagës.

Ish-komandatët e UÇK-s janë njoftuar me akuzat për krime lufte që rëndojnë mbi ta, nga Zyra e Prokurorit të Specializuar.

Gjykatësi ka kërkuar nga të pandehurit që të deklarohen sërish për aktakuzën e plotësuar për krime lufte dhe krime kundër njerëzimit.

Hashim Thaçi tha "jam plotësisht i pafajshëm", Veseli u vetëdeklarua "tërësisht i pafajshëm", Selimi u shpreh se "jam i pafajshëm në të gjitha pikat e aktakuzës", ndërsa Krasniqi tha se nuk ka "asnjë lidhje me pikat e aktakuzës".

Kujtojmë se të akuzuarit prej dy vitesh e gjysmë ndodhen në paraburgimin e Gjykatës së Hages, në Holandë.

Ditën e nesërme pritet të zhvillohet seanca ku do të flasin avokatët e të akuzuarve për krime lufte dhe krime kundër njerëzimit, duke filluar në orën 09:00./CNA.al

Lajmet e fundit nga