web counter
LEXO PA REKLAMA!

SHKARKO APP

App Store
Google Play

Retorika e Rusisë për armët bërthamore/ Stoltenberg i përgjigjet Putinit: Ne nuk frikësohemi

3 Prill 2023, 16:35, Kosova & Bota CNA

Retorika e Rusisë për armët bërthamore/ Stoltenberg i

Shefi i NATO-s, Jens Stoltenberg, është shprehur se aleanca ushtarake nuk e ka ndryshuar qëndrimin e saj bërthamor, pavarësisht retorikës së përdorur nga presidenti rus, Vladimir Putin.

Sekretari i Përgjithshëm i NATO-s, tha se nuk është parë asnjë lëvizje e armëve bërthamore nga ana e Moskës, ndonëse presidenti Putin njoftoi së fundmi se Rusia do të vendosë armë bërthamore taktike në Bjellorusi, raporton Euronews.

“Njoftimi i presidentit Putin, është pjesë e një modeli të retorikës bërthamore të rrezikshme dhe të pamatur, ku Rusia dhe Putin po përpiqen të përdorin armë bërthamore si një mjet për të na penguar të mbështesim Ukrainën. Rusia po tenton të frikësojë dhe të parandalojë aleatët dhe partnerët e NATO-s për të mbështesur Ukrainën, në të drejtën e saj për të mbrojtur vendin e vet. Ne nuk do të frikësohemi. Ne do të vazhdojmë të mbështesim Ukrainën. NATO mbetet vigjilente. Ne po monitorojmë nga afër se çfarë bën Rusia, por deri më tani nuk kemi parë ndonjë ndryshim në pozicionin e tyre bërthamor që kërkon ndonjë ndryshim në pozicionin tonë bërthamor," tha Stoltenberg.

Ministrat e punëve të jashtme të NATO-s do të jenë në Bruksel të martën dhe të mërkurën për dy ditë takimesh zyrtare, ku do të mirëpresin zyrtarisht Finlandën si anëtaren e 31-të të aleancës.

Finlanda dhe Suedia aplikuan të dyja për anëtarësim pas pushtimit të Ukrainës nga Putini, por ratifikimi i anëtarësimit të Suedisë po bllokohet si nga Turqia, ashtu edhe nga Hungaria. 

Ministrat e Punëve të Jashtme do të diskutojnë gjithashtu një plan të ri të shpenzimeve ushtarake për NATO-n, ku kontributet minimale të mbrojtjes të aleatëve do të jenë 2% e buxhetit të tyre të brendshëm./CNA.al





Lajmet e fundit nga