Jakov Millatoviç, presidenti i ri i Malit të Zi/ Humbje e thellë për Gjukanoviç

2 Prill 2023, 21:58, Kosova & Bota CNA

Jakov Millatoviç, presidenti i ri i Malit të Zi/ Humbje e

Sipas rezultateve preliminare të Qendrës për Monitorim dhe Hulumtim (CeMI), bazuar në 98 për qind të votave të numëruara, Milatoviç ka fituar 60 për qind të votave, ndërsa kandidati i Partisë Demokratike të Socialistëve (DPS) Milo Gjukanoviç 40 për qind.

Sipas të dhënave të CeMI, pjesëmarrja ishte 70.6 për qind.

Mediat vendase raportojnë se qendra për Tranzicion Demokratik (CDT) publikoi projeksionin përfundimtar, sipas të cilit Milatoviç fitoi 58,9 për qind të votave, ndërsa Gjukanoviç 41,1 për qind.

Më herët kanë bërë të ditur se pjesëmarrja ka qenë 70.7 për qind.

Komisioni Shtetëror i Zgjedhjeve njoftoi se në raundin e dytë votuan 69,33 për qind e votuesve ose 375.853 persona.

Biografia e Milatoviçit

Milatoviç ka lindur në Podgoricë më 7 dhjetor 1986. Ai është i martuar me Milenën dhe ka tre fëmijë vajzat Sara dhe Ana dhe djalin David.

Shkollën fillore, të mesme dhe universitetin e kreu në Podgoricë.

Si bursist i qeverisë amerikane, ai kaloi një vit studimi në Universitetin Shtetëror të Illinois.

Pas kësaj ai studioi për një semestër në Universitetin e Ekonomisë dhe Biznesit në Vjenë (WU Wien), këtë herë si bursist i Qeverisë Austriake. Komisioni Evropian i mundësoi atij të kalonte një vit studimi në Universitetin e Romës (La Sapienza). Si bursist i qeverisë britanike, ai mori një diplomë master në ekonomi nga Universiteti i Oksfordit.

Krahas arsimit formal, Milatoviq ka ndjekur edhe programet e organizuara nga Kombet e Bashkuara në Nju Jork, Fondacioni Gjerman Konrad Adenauer, Ambasada e Malit të Zi në Romë dhe Zyra për Bashkëpunim Ndërkombëtar të Fakultetit Ekonomik në Podgoricë.

Përveç kësaj, ai përfundoi programin "Oxbridge Academic" në Oksford, si dhe programe të shumta të Fondit Monetar Ndërkombëtar (FMN) në Londër, London School of Economics (LCE) dhe të tjera.

Ai gjithashtu trajnoi në Universitetin e Pekinit, Akademinë e Lidershipit të Universitetit të Stanfordit dhe Universitetin e Beogradit.

Ai ka fituar çmime të shumta, flet anglisht, italisht dhe spanjisht.

Ka punuar në sektorin bankar brenda dhe jashtë vendit, ka qenë pjesë e ekipit të analizës ekonomike dhe politike në Bankën Evropiane për Rindërtim dhe Zhvillim (BERZH), është marrë me analizën ekonomike të rajonit të Evropës Juglindore dhe më pas analiza e vendeve të Ballkanit Perëndimor.

Nga viti 2018 deri në vitin 2020, ai punoi në Bukuresht si analist kryesor ekonomik i BERZH-it për Rumaninë, Kroacinë, Slloveninë dhe Bullgarinë.

Ai është i martuar dhe ka tre fëmijë./CNA