LEXO PA REKLAMA!

SHKARKO APP

Sanna Marin u mposht nga konservatorët e Finlandës me një diferencë të vogël votash

3 Prill 2023, 08:16, Kosova & Bota CNA
Sanna Marin u mposht nga konservatorët e Finlandës me një
Foto ilustruese

Udhëheqësi konservator finlandez, Petteri Orpo, ka fituar zgjedhjet, duke mundur qendrën e majtë të kryeministres Sanna Marin.

Orpo siguroi 20.8% të votave, përpara Partisë populiste të krahut të djathtë finlandez dhe qendrës së majtë.

Kjo është një humbje e hidhur për Sanna Marin, megjithëse vijon të ketë vlerësime të larta në sondazhe.

Sanna Marin është vlerësuar gjerësisht për drejtimin e Finlandës dhe hyrjen në NATO dhe menaxhimin e vendit të saj gjatë periudhës së pandemisë COVID-19.

Menjëherë pasi lideri konservator shpalli fitoren, liderja e qendrës së majtë pranoi zgjedhjet.

"Urime fituesi i zgjedhjeve, urime Partisë së Koalicionit Kombëtar, urime Partisë Finlandeze. Demokracia ka folur," u tha ajo mbështetësve.

Për javë të tëra, të tria partitë kishin qenë pothuajse të barabarta në sondazhe. Pastaj një projeksion nga transmetuesi publik "YLE" i dha fitoren e Koalicionit Kombëtar të Petteri Orpos me numrin më të madh të vendeve në parlament.

"Unë mendoj se finlandezët duan ndryshim. Ata duan ndryshim dhe tani unë do të filloj negociatat, do të hap negociatat me të gjitha palët," tha ai.

Udhëheqësja e Partisë Finlandeze, Riikka Purra, uroi rivalin e saj të qendrës së djathtë dhe ishte e kënaqur me rezultatin.

Sanna Marin u bë liderja më e re në botë kur shpërtheu në skenën politike në vitin 2019. Ajo drejtoi një koalicion prej pesë partish, të gjitha të udhëhequra nga gra.

Shumë finlandezë e shohin atë si një figurë polarizuese. Ajo u vu nën një vëzhgim të ashpër vitin e kaluar kur u shfaq një video e saj duke kënduar, kërcyer dhe pirë në një festë.

Konservatorët do të kenë mundësinë e parë për të formuar një qeveri dhe nëse ia dalin, zoti Orpo, 53 vjeç, do të bëhet kryeministri i ardhshëm.

Nën një qeveri të udhëhequr nga Orpo, Europa mund të presë një konservator proeuropian nga qendra liberale e partisë së tij me një theks në politikën ekonomike.

Sipas sistemit të përfaqësimit proporcional të Finlandës, atij do t'i duhet të grumbullojë më shumë se 100 vende në parlamentin prej 200 vendesh për të drejtuar vendin./ CNA.al

Lajmet e fundit nga