web counter
LEXO PA REKLAMA!

SHKARKO APP

App Store
Google Play

Trump po përgatitet për betejën në seancën gjyqësore në Nju Jork

3 Prill 2023, 07:34, Kosova & Bota CNA
Trump po përgatitet për betejën në seancën
Foto ilustruese

Avokati i ish-presidentit të SHBA-së ka bërë me dije se Donald Trump po përgatitet për një betejë përpara seancës së planifikuar në gjykatë të martën.

Trump pritet të fluturojë për në qytetin e Nju Jorkut nga shtëpia e tij në Mar-a-Lago të hënën për t'u përballur me akuzat.

Ai po planifikon që pas kësaj të kthehet në Florida, ku do t'u drejtohet mbështetësve të tij. Trump ka vazhduar të mohojë çdo keqbërje.

Avokati i tij, Joe Tacopina, premtoi se çdo akuzë kundër ish-presidentit do të luftohet fuqishëm.

Trump thuhet se është takuar me këshilltarët e tij dhe ekipin ligjor për të planifikuar mbrojtjen e tij përpara fluturimit për në Nju Jork.

Ish-presidenti do të shoqërohet nga anëtarë të Shërbimit Sekret Amerikan në rrugën e tij për në Nju Jork.

Ai pritet t'u dorëzohet autoriteteve të martën, me një seancë dëgjimore që do të zhvillohet në Manhattan.

Gjykata e Manhatan-it do të mbyllet pasdite për seancën, tha avokati i tij. Ish-presidenti nuk do të vihet në pranga, por Tacopina shtoi se detaje të tjera të akuzës janë ende një mister./ CNA.al





Lajmet e fundit nga