web counter
LEXO PA REKLAMA!

SHKARKO APP

App Store
Google Play

Gjyqi në Hagë/ Flet Thaçi: Pres që të shfajësohem nga çdo akuzë

4 Prill 2023, 13:10, Kosova & Bota CNA
Gjyqi në Hagë/ Flet Thaçi: Pres që të
Ish-Presidenti i Kosovës, Hashim Thaçi

Ish-Presidenti i Kosovës, Hashim Thaçi, ka kërkuar nga trupa gjykuese në Hagë që të kenë parasysh se historia në 25 vite është mjegulluar.

Ai ka theksuar se pret që të shfajësohet nga çdo akuzë. Në fjalën e tij Thaçi nënvizoi se çdo njeri do të bënte atë që ka bërë ai për lirinë dhe pavarësinë e popullit të tij.  

“Si shumë shqiptarë nga Diaspora edhe unë u ktheva për të ndihmuar vendin tim. Kushdo që të ishte në vendin tim do të kishte bërë të njëjtën gjë po t'i hiqej liria.

Ata luftuan, shumë trima ranë. Mijëra familje humbën të afërmit e tyre.

Si rezistenca paqësore ashtu dhe e armatosur kishin të njëjtin synim, lirinë dhe rendin demokratik të Kosovës. Pa atë rezistencë, sot Kosova nuk do të ekzistonte.

Lufta iu imponua. Ata bënë atë që do të bënte çdo popull liridashës. Ne ishim në anën e drejtë të historisë. Sot jam i lumtur që populli jeton i lirë.

Kërkoj që të keni parasysh se historia në 25 vite është e mjegulluar. Realiteti po ngatërrohet me opinione dhe agjenda, spekulimet po shndërrohen në fakte. Mllefet politike të secilit nuk duhet të kuptohen si fakte në këtë seancë.

Njerëzit mbajnë brenda atë që duan të besojnë se është e vërtetë, kemi dëshmi faktike dhe historike. Duhet të kthehemi te këto dëshmi se aty do të zbulohet e vërteta.

Ne sakrifikuam veten tonë për të qenë të lirë. Të gjithë e dinë se pa mbështetjen e SHBA-së nuk do të ishim të pavarur”, tha Thaçi./ CNA.al





Lajmet e fundit nga