web counter
LEXO PA REKLAMA!

SHKARKO APP

App Store
Google Play

Rinumërimi i kutive në Pukë/ Thirrja e Kikias: SPAK, bëhu një herë “burrë” me tregtarët e votave

25 Maj 2023, 16:05, Politikë CNA
Rinumërimi i kutive në Pukë/ Thirrja e Kikias: SPAK, bëhu
Gazetari Mentor Kikia

Komisioni i Ankimimeve dhe Sanksioneve hapi ditën e djeshme pesë kuti votimi për Këshillin Bashkiak në Pukë, ku rezultoi se 64 vota të Partisë Republikane i ishin regjistruar PDIU-së.

Lidhur me këtë çështje, ka reaguar pak më parë gazetari Mentor Kikia, i cili ka bërë një thirje të fortë për SPAK-un.

Me anë të një statusi në rrjetet sociale, Kikia thotë se kushdo që e ka bërë këtë maskarallëk, duhet të shkojë në burg. Ai i kërkon SPAK-ut të shkundet mirë dhe të vërë para përgjegjësisë hajdutët e votave.

“SPAK, bëhu njëherë “burrë” me tregtarët e votave!

Tani, nëse kjo është e vërtetë, atëherë kush e ka bërë, kush ka firmosur këtë maskarallëk në atë komision numërimi votash, duhet të shkojë në burg që sot. Dhe gjyqin t’ia bëjmë në kinema, si qëmoti në komunizëm.

Para se të dënohet ai ministri, ai drejtori, ai biznesmeni, ai trafikanti… duhet të dënohet pikërisht ky, ky që vjedh votën, ky që deformon vullnetin e njerëzve.

Pa u ndëshkuar vjedhja e votës nuk ndëshkohet kurrë asnjë lloj korrupsioni. Sepse korrupsioni buron nga vota e vjedhur, nga pushteti i vjedhur.

Kush vjedh votën, do të vjedhë gjithçka që i del përpara.

Ndaj SPAK, shkundu e bëhu “burrë” njëherë me hajdutët e votave”, shkruan gazetari./ CNA.al

Rinumërimi i kutive në Pukë/ Thirrja e Kikias: SPAK, bëhu





Lajmet e fundit nga