E fundit!

11:00 Aktualitet

Vijojnë përplasjet në kantierin e aeroportit të Vlorës/ Kërkohet ndërhyrja e policisë, reagon Behgjet Pacolli

Vazhdojnë tensionet në kantierin e aeroportit të Vlorës. P...

“Mashtroi” për largimin si kreu i PD-së/ Zbulohet e “vërteta” e Bashës

27 Maj 2023, 12:25, Politikë CNA

“Mashtroi” për largimin si kreu i PD-së/ Zbulohet e

Lulzim Basha

CNA e paralajmëroi pak ditë më parë se ish kreu i dorëhequr dhe mbajtësi peng i vulës së PD-së, Lulzim Basha po rikthehet me tur takimesh.

Ashtu siç ishte paralajmëruar, pasi punoi për humbjen, shkatërrimin dhe përçarjen e PD-së, është rikthyer sërish në skenë, duke justifikuar edhe motivin për të cilin u dorëhoq.

Deklarata e tij e fundit në rrjetet sociale, nuk bën asgjë tjetër veçse zbulon gënjeshtrën e tij që ai nuk është larguar apo dorëhequr, por plani ishte të kontribuonte në humbjen e radhës të PD në zgjedhje, duke qenë se njihet për dështimet në seri.

Ndër të tjera në postimin e tij, shkruan se bëri një hap pas pasi nuk donte luftë të brendshme, por nga ana tjetër Enkelejd Alibeaj, i komanduari i tij zbatoi "urdhërat" e Bashës, vijoi misionin e tij të përçarjes dhe siguroi që në zgjedhjet e 14 majit, PD e vulës të dilte forcë e katërt apo e pestë, diku në ndonjë bashki edhe forcë e gjashtë.

Tani Basha thotë se situata është më keq për demokratët dhe shqiptarët dhe po rikthehet me misionin e tij të radhës për ta lënë partinë në vendnumëro.

“Por unë nuk do të bëhem kurrë pjesë e baltosjes, edhe kur të vazhdojnë siç kanë rinisur me të njëjtat sulme, gënjeshtra e mashtrime. Sepse rruga që kalon përmes politikës së vjetër të baltës, akuzave dhe banalizimit të çdo debati publik na mban në vendnumëro dhe nuk mund të sjellë kurrë ndryshim për njerëzit.

Unë bëra një hap pas sepse nuk doja një luftë të brendshme, i bindur se prej saj përfitojnë vetëm kundërshtarët! Dhe ishte gjëja e duhur. Por ja ku jemi. Asgjë s’ka ndryshuar, madje situata është edhe më keq për demokratët dhe shqiptarët.

Prandaj e ndjej për detyre t’i përkushtoj energjitë e mija tek një opozitë e vërtetë në shërbim të njerëzve. Vetëm një alternativë e qartë, që ka në qendër hallet e qytetarëve dhe jo ato të politikanëve mund të sjellë ndryshimin e vërtetë” shkruan Basha./ CNA.al