web counter
LEXO PA REKLAMA!

SHKARKO APP

App Store
Google Play

E fundit!

x

Kreshnik Spahiu e tregon hapur/ Ja pse Berisha ka zgjedhur partnere Greqinë

28 Maj 2023, 13:51, Politikë CNA

Kreshnik Spahiu e tregon hapur/ Ja pse Berisha ka zgjedhur partnere Greqinë

Juristi Kreshnik Spahiu ka zbuluar arsyet pse kryeministri Edi Rama ka zgjedhur të ketë një qëndrim pro pushtetit të Erdoganit në Turqi dhe ish-kryeministri Sali Berisha pro Greqisë.

Në një intervistë për "Euronews Albania", Spahiu deklaroi se Berisha ka një qasje diplomatike pro Greqisë të cilën e ka konsideruar edhe një partnere kryesore në procesin e integrimit të Shqipërisë.

Spahiu tha ndër të tjera se Berisha e shikon Greqinë dhe Athinën si “arka e Noes”, e cila mund ta shpëtojë nga oqeani ku ai ndodhet mes Britanisë së Madhe, Shteteve të Bashkuara të Amerikës dhe Europës.

“Kemi një ndarje mes pozitës dhe opozitës shqiptare. Qeveria socialiste është pozicionuar pro pushtetit në Turqi, që do të thotë pro Erdoganit.

Nga ana tjetër opozita shqiptare, e përfaqësuar nga Berisha dhe Meta janë pozicionuar hapur kundër Erdoganit duke e konsideruar rrezik neo-otomanizmin në Ballkan.

Berisha ka thënë në një intervistë dy muaj më parë se partneri kryesor i Shqipërisë në procesin e integrimit s’mund të jetë Turqia, por duhet të jetë Greqia.

Pra ka një ndarje ideologjike, diplomatike të koncepteve që ka Rama dhe Berisha në Lidhje diplomatike. Berisha e shikon Greqinë dhe Athinën si “arka e Noes”, e cila mund ta shpëtojë nga oqeani ku ai ndodhet mes Britanisë së Madhe, Shteteve të Bashkuara të Amerikës dhe Europës dhe i ka mbetur Greqia, për të krijuar lidhje diplomatike.

Ndërsa Rama ka ndërtuar një mbështetje diplomatike tjetër, mbështetja diplomatike e Ramës, është Washington-Berlin-Stamboll,”tha ai./CNA.al





Lajmet e fundit nga