web counter
LEXO PA REKLAMA!

SHKARKO APP

App Store
Google Play

E fundit!

x

"Të mos fluturojmë me barishte nga mbrapa"/ Rama-drejtorëve të administratës: Sillen si bajraktarë

28 Maj 2023, 12:45, Politikë CNA
"Të mos fluturojmë me barishte nga mbrapa"/
Kryeministri Edi Rama

Kryeministri Edi Rama gjatë turit falënderues të tij në Gjirokastër është shprehur para qytetarëve se shumë nga shërbimet shtetërore janë ende shumë larg standardeve dinjitoze.

Rama është shprehur ndër të tjera se ka drejtues shteti në Shqipëri që sillen si bajraktarë.

Më tej në fjalën e tij kryeministri tha se nëse qeveria nuk u shpërblen qytetarëve besimin që i kanë dhënë në zgjedhjet vendore, do të marrin një goditje që askush s’mund ta imagjinojë.

“Duhet ta kuptojmë që siç thotë dhe Tërmeti të mos të fluturojmë më barishte nga mbrapa...

Kemi shërbime të cilat janë larg të qenit shërbime dinjitoze. Kemi drejtues të shtetit që sillen si bajraktarë. Kjo votë më duket një besim e ekzagjeruar, i njerëzve që ka brenda një rrezik shumë të madh. Nëse ne nuk e shpërblejmë këtë besim mund të kthehet në goditje që askush nuk mund ta imagjinojë”, tha Rama.

Rama tha ndër të tjera se pika kryesore e programit të kryebashkiakëve duhet të jetë njerzillëku.

“Na rrofshin pemët që mbjellim dhe të tjerat nëse kjo nuk ndodh, nëse nuk ka njerzillëk”, tha ai./CNA.al

 





Lajmet e fundit nga