web counter
LEXO PA REKLAMA!

SHKARKO APP

App Store
Google Play

Pas rishfaqjes së Bashës/ Zbulohet lëvizja e radhës e Gazment Bardhit

28 Maj 2023, 19:44, Politikë CNA
Pas rishfaqjes së Bashës/ Zbulohet lëvizja e radhës e
Gazment Bardhi

Gazment Bardhi, i cili disa ditë më parë u zgjodh kryetar i grupit të PD-së së vulës, ka njoftuar mbajtjen e dy mbledhjeve në ditët e ardhshme.

Mbledhjet do të mbahen të hënën në orën 12:00 dhe të martën në orën 17:00.

Lajmin e ka konfirmuar vetë Bardhi, i cili me anë të një deklarate thotë se kanë qenë kolegët që ia kanë kërkuar mbajtjen e mbledhjeve.

Ai shprehet se me Kryesinë dhe grupin e tij do të diskutojë për situatën politike dhe hapat që do të ndërmarrin për ringritjen dhe forcimim e PD-së së vulës.

Këto mbledhje vijnë pas rishfaqjes së Lulzim Bashës, të cilën CNA e kishte paralajmëruar edhe më herët.

Deklarata e plotë:

Nisur nga kërkesa e disa kolegëve anëtarë të Kryesisë së Partisë Demokratike dhe të Grupit Parlamentar, me qëllim vlerësimin e situatës politike dhe veçanërisht hapave që duhet të ndërmarrë Partia Demokratike e Shqipërisë për ringritjen dhe forcimin e saj, në përputhje me Statutin e Partisë kam vendosur:

- Thirrjen e mbledhjes së Grupit Parlamemtar të Partisë Demokratike, ditën e hënë, datë 05.06.2023, ora 12:00.

- Thirrjen e mbledhjes së Kryesisë së Partisë Demokratike, ditën e martë, datë 06.06.2023, ora 17:00.

Me Rend ditë të të dyja mbledhjeve: “Diskutimi mbi situatën politike ne vend, dhe mbi procesin e riorganizimit të PDSh.”.

Secili anëtar i Grupit Parlamentar dhe Kryesisë së Partisë, do të shfrytëzojë kohën në dispozicion për të elaboruar dhe propozuar zgjidhjet më të mira për forcimin dhe riorganizimin e partisë./ CNA.al





Lajmet e fundit nga