web counter
LEXO PA REKLAMA!

SHKARKO APP

App Store
Google Play

E fundit!

x

Gjekmarkaj kërkon largimin e Bashës/ "Të mos bëhet personazh memesh"

29 Maj 2023, 15:20, Politikë CNA

Gjekmarkaj kërkon largimin e Bashës/ "Të mos bëhet

Deputeti Agron Gjekmarkaj, i cili njihet si një nga njerëzit e Lulzim Bashës, ka dalë kundër këtij të fundit.

Pas rishfaqjes së Bashës në skenën politike, Gjekmarkaj ka kërkuar largimin e tij. Një gjë të tillë deputeti e ka artikuluar edhe ditën e sotme.

Në një dalje për mediat, ai deklaroi se Basha duhet të bëjë hapa pas, së bashku me Sali Berishën, pasi pretendon se vetëm kështu PD mund të rikonceptohet.

Sipas tij, Basha nuk duhet të bëhet personazh memesh.

“Nëse sot del e thotë se mund të jem risia e fituesi, nuk e di sa seriozisht mund të merret nga njerëzit. Unë personalisht kam respekt nga ana njerëzore, por nga ana politike, Basha me tentativën që bën për rikthim...

Në Shqipëri kishte ardhur koha të ndërrohej pushteti, por opozita jonë nuk i ka bindur shqiptarët që të jetë e denjë për të ardhur në qeveri. Dalin e shajnë votuesit.

Njerëzit të mbështesin nëse u jep perspektivë. Është një fluks i rëndësishëm votash, është bazik. Nuk funksionon duke i thënë Berishës ik, largohu ti që të vijmë ne. Ai duhet të bëjë disa hapa pas që PD të rikonceptohen.

Të njëjtën ta bëjë dhe Basha që të mos bëhet personazh memesh. Belind Këlliçi mund të ishte rezultat më i mirë po të mos ishte i atashuar me Berishën. Basha tenton të kthehet e të marrë gjënë e mbetur”, theksoi Gjekmarkaj./ CNA.al





Lajmet e fundit nga